«Нұрлы жер»: 2020-2025 жылдарға арналған бағдарлама

Бағдарламаның мақсаты - тұрғын үйдің қолжетімділігі мен жайлылығын арттыру және тұрғын үй инфрақұрылымын дамыту. 

Бағдарламаның міндеттері: 

1. Бірыңғай тұрғын үй саясатын іске асыру

2. Халықты сапалы ауызсумен және су бұру қызметтерімен ұтымды қамтамасыз ету 

3. Тұрғын үй-коммуналдық секторды жаңғырту  және дамыту 

4. Тұрғын үй қорын күрделі жөндеу және реновациялау 

5. Сәулет, қала құрылысы және құрылыс қызметін  жетілдіру 

Нысаналы индикаторлары:

Мынадай нысаналы индикаторларға қол жеткізу: 

1) 2025 жылға қарай қаржыландырудың барлық көздері есебінен тұрғын үйді жыл сайынғы іске қосу көлемін − 20,7 млн шаршы метрге дейін ұлғайту; 

2) 2025 жылға қарай тұрғын үймен қамтамасыз ету бір тұрғынға − 26 шаршы метр; 

3) 2025 жылға қарай қалалар мен ауылдарда сумен жабдықтау қызметтеріне халықтың 100% қол жеткізуі; 

4) 2025 жылға қарай жылумен, сумен жабдықтау және су бұру желілерінің тозуын  төмендету − 47%; 

5) 2025 жылға қарай күрделі жөндеуді талап ететін объектілердің, кондоминиумдардың үлесін қысқарту  − 18,1%; 6) 2020-2025 жылдары 60 мың жұмыс орнын құру.