20 Қыркүйек, 2019 11:47

Жыл соңына дейін Tax free жүйесінің пилоттық нұсқасы іске қосылады

PATA Travel Forum Азия-Тынық мұхиты елдерінің туристік көрмесі аясында Қазақстанда Tax free жүйесінің пилоттық жобасы ресми түрде іске қосылатыны мәлім болды. Пилоттық жобаның жүзеге асырылуы туралы «Kazakh tourizm» ҰК» АҚ басқарма төрағасының орынбасары Еркебұлан Хасенов айтып берді, деп хабарлады Strategy2050.kz.

Алдымен «Kazakh turizm» ҰК» АҚ басқарма төрағасының орынбасары Е.Хасенов елдегі туризмді дамытудың жоспары туралы баяндады.

« Ішкі көшпелі туризмді дамыту мемлекеттік бағдарламасы туралы айтатын болсақ, Tax free жүйесі бағдарлама аясында жүзеге асырылмақ. Айтқанымдай, елімізде 7 жылдық жаңа бағдарлама әзірленіп, мақұлданды. 2025 жылға дейін жоспарланған бағдарламаның ерекшелігі мемлекет өзінің күш-жігерін жұмылдырады. Бізде ТОП-10 үздік жерлерден құралған туристік карта әзірленді. Мемлекет осы 7 жыл бойы үздік 10-дыққа қаржылық ресурстарды құяды. Ол инфрақұрылым мен инженерлік жүйелерді дамытуға бағытталады. Ондыққа инвестиция тарту да жүзеге асырылады. Сондай-ақ, ішкі көшпелі туризмді дамытуды ілгерілендіру үшін Taxi free жүйесін іске қосу жоспарланған», - деді Е.Хасенов.

Сонымен қатар, спикердің айтуынша, ТОП-10 жерлерінің ішінде алдыңғы екі орынды елордамыз – Нұр-Сұлтан мен Алматы қаласы алады.

«Алматы қаласы үздік ондықтың ішінде көшбасшы болып отыр. Себебі, туристік ағын өте көп. Соңғы статистикаға жүгінсек, биылғы жылдың жарты жылдығы бойынша Алматы қаласының туристік көрсеткіші оңтайлы.6 айда өңірге 250 мың шетелдік турист келген. Шетелдік туристердің артуы 28 пайызды құрап отыр. Сонымен қатар, бізде адамдарды шоғырландыру орындары артып отыр. Қонақ үйлер пен хостелдердің саны 35 пайызға артты. Жатын орындардың саны да артып отыр. Мәселен, Алматы қаласында 20 мың орын бар. Алайда, бұл көрсеткіш айтарлықтай жоғары болуы да мүмкін еді. Сондықтан да, бірқатар іс-шараларды әзірлеп жатырмыз», - деді ол.

Төрағаның орынбасары айтып өткендей, сондай шаралардың бірі - Taxi free жүйесін енгізу.

«Бұл жүйе әлем бойынша шоппинг туризмді ілгерілендірудің басты шарасы болып табылады. Мемлекеттік бағдарламада Tax шарасын 2022 жылдан бастап енгізу жоспарланған. Алайда, бізде жаңа мемлекеттік бағдарламаның басты ұстанымы – мемлекеттік жеке меншік серіктестік. Сондықтан да, біз 2022 жылды күтпейтін болдық. Себебі, «Capital parners” компаниясы Taxi free жүйесін пилоттық жоба ретінде енгізу бастамасын ұсынды. Бұл бастаманы Мәдениет және спорт министрлігі мен «Kazakh tourizm» ҰК қолдады. Қазіргі таңда пилоттық жобаны жүзеге асырудың негізі қаланды. Қаржы министрлігінің бұйрығы да бар. Оны бірлесіп әзірледік, төртінші тоқсанда Taxi free жобасы Алматыда іске қосылады», - деді Е.Хасенов.

Жобаны сынау үшін Алматының ірі сауда орталығы таңдалды. Жүйе авторлары жүргізген сараптама нәтижесінде отандастарымыздың Дубай, Бейжің, тіпті Мәскеудегі сауда ортаықтары жайлы пікірі толықтай шындыққа жанаспайтыны анықталған.

Сонымен қатар, болжам бойынша, биыл күтетін басты туристер – Қытай азаматтары. Бүгінде туристердің саудасы жалпы үлестің 3 пайызын құраса, жыл соңында 5-10 пайызға,2020 жылы 20 пайызға өседі. Ал туристердің үлесі орташа қаржысы 250 долларды құрайтын 25 00 адамға артады.

Естеріңізге салсақ, PATA (Азия және Тынық мұхиты елдерінің туристік ассоциациясы) бейкоммерциялық мүшелік ассоциация, ол Азия-Тынық мұхит аймақтарына және осы аймақтардан шығатын саяхат пен туризмді жауапты дамытудың жылдамдатқышы. 1951 жылы құрылған. Ассоциация 800-ден астам мүше ұйымды, соның ішінде 95 үкіметтік, мемлекеттік және қалалық туристік ұйымды, 20 халықаралық әуекомпания мен әуежайды, 102 қонақ күту ұйымын және 70 білім мекемесін, сондай-ақ жүзден астам жас адамды, дүние жүзі бойынша кәсіби туристік қатысушыны келісілген ақпараттық-насихат қызметпен, терең зерттемелермен және инновациялық іс-шаралармен қамтамасыз етеді.

Айта кетейік, бүгін PATA Travel Mart көрмесінің соңғы күні. Форум 18-20 қыркүйек аралығында «Көрме» орталығында өтті.

Аягөз Құрмаш

ҰСЫНЫЛАДЫ

Барлық жаңалықтар

дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды