• Басты
  • Жауынгерлік даярлық: тренажерлардан әскери техникаға

Жауынгерлік даярлық: тренажерлардан әскери техникаға

15 Желтоқсан, 2020 12:16

Қарулы Күштердің әскери бөлімдерінде жоспарлы жауынгерлік даярлық басталды. Ол Бірыңғай кешенді стратегиялық міндеттер шеңберінде өткізіледі.


Аталған сабақтар оқу сыныптары мен полигондарда, барынша жауынгерлік жағдайға келтірілген күйде өткізіледі. Қарулы Күштердің Бірыңғай кешенді стратегиялық міндеттері шеңберінде тек қойылған мақсаттарда ғана емес, штаттан тыс ахуалдар бойынша да іс-қимылға дайын болу керек. Әсіресе бұл екі мақсатты: әскери-транспорттық авиация, радиациялық, химиялық және биологиялық қорғаныс, әскери медицина компоненттеріне қатысты.

Оқу үдерісінде барлық санаттағы әскери қызметшілер заманауи бағдарламалық-оқыту кешендерін, яғни электронды тирлер мен карталарды, жауынгерлік көліктердің тренажерларын, авиация модельдерін пайдаланады.

Жеке сабақтар мен бөлімше құрамында оқу үшін тренажерлар, Т-72 танкі, БМП-2, «КамАЗ», БТР-82А және басқаларының модельдері белсенді қолданылады. Олар моторесурстарды, ЖЖМ мен оқ-дәрілерді пайдаланбай, экипаждың жинақы жүруіне мүмкіндік береді.

Т-72 танк экипажының кешенді тренажері – танк экипаждарын оқыту мен жаттықтыруға арналған. Нысаналарды барлау ептілігін, барлық оқ-дәрі түрінен, снарядты басқаруды қоса айтқанда, түрлі режимде, түрлі тәулікте жағдайында қару-жарақ кешені арқылы атысты жүргізуді қалыптастырады.

БТР-82А тренажерларында жаяу әскерлердің жауынгерлік көлік экипаждарын оқытады. Кез-келген ауа райында, түрлі тәулікте, көздеу құрылғысы мен бақылау құралын пайдалану арқылы барлық қару түрінен тиімді атыс жүргізуді оқытады.

Командирлер атыстарын және бөлімшелердің артиллериядан атысын басқаруды оқытуға арналған тренжерлар – электронды және кіші артиллерия тирі.

photo5384278969609727708.jpg

Бұл әскери қызметшілерді даярлауға арналған жақсы балама. «Профессионал» атыс тирінде атыс үшін кәдімгі қағаз және пластикалық нысаналар қолданылады. Бір уақытта 8 бағытта атып, түрлі жаттығуларды орындайды. Әр атыстың нәтижесі нақты уақытқа жасалады. Жаттығу аяқталған соң бірден, әр атқан оғыңды егжей-тегжейлі бөлшектеуге болады. Электронды тирдегі сымсыз қарудың салмағы мен өлшемі түпнұсқаларға сәйкес келеді. Оның ыңғайлылығы сол, онда ату қозғалысы шектеулі емес.

Әуе қорғанысы күштерінің бөлімдері мен әскери оқу орындарында оқу-жаттығу ұшулары үшін жауынгерлік жойғыш ұшақтарда ұшудың толық көрінісін көрсететін Су-30 СМ кешенді тренажерлері, Ми 8-тікұшақтармен және L-39с оқу-жауынгерлік ұшағымен авиасимуляторлары қолданылады.

photo5384278969609727707.jpg

Әуе қорғанысы күштері әскери институтының оқытушылары L-39С авиасимуляторын әзірлеп, оны оқытуға ендірді. Оның бірқатар ерекшеліктері бар. Ұшақтың құрылымы, қозғалтқышы мен қару-жарақ толығымен модельденген. Ұшу динамикасының кәсіби моделі де жасалды. Екі интерактивті кабинада барлық нақты процедуралар жұмыс істейді. Курсанттың іс-қимылын бағалау үшін параметрлермен ұшуды қайта қарау мүмкіндігі көзделген. Экранда ұшақтың кез-келген функционалды жүйесінің жұмысын көрсетуге болады.

photo5384278969609727706.jpg

Тренажерлардағы жаттығулардан кейін әскери қызметшілер шынайы жағдайларда қару-жарақ пен әскери техниканы меңгеруге кіріседі.

Барлық жаңалықтар