• Басты
  • Жаңа қаулы: «Ashyq» жобасын енгізу және іске асыру

Жаңа қаулы: «Ashyq» жобасын енгізу және іске асыру

27 Тамыз, 2021 10:19

ҚР Бас санитар дәрігері Ерлан Қиясов «Ashyq» жобасын енгізу және іске асыру бойынша жаңа қаулы жариялады, деп хабарлайды Strategy2050.kz.


Қаулыда өңір «қоңыр қызыл» аймақта кемінде 3 күн болған кезде карантиндік шараларды қатаңдату қабылданатыны айтылған. Күшейтілген карантиндік шаралар «қоңыр қызыл» аймақтан «қызыл» аймаққа көшкеннен кейін кемінде 7 күн сақталады. Карантиндік шараларды жеңілдету «қоңыр қызыл» аймақтан «қызыл» аймаққа көшкеннен кейін 7 күннен ерте жүргізілмейтіні жазылған.

Алматы қаласын қоспағанда, ағымдағы жылғы 28 тамыздан бастап:

- демалыс күндері – Ashyq жобасына қатысатын барлық бизнес объектілерінің жұмысына – сағат 00.00-ге дейін, қызметкерлері мен келушілерде «жасыл мәртебесі» бар Ashyq көшбасшыларының жұмысына –сағат 02.00-ге дейін;

- сенбі күндері – қоғамдық көліктің жұмысына рұқсат берілді.

Нұр-Сұлтан, Алматы, Шымкент қалаларының бас мемлекеттік санитариялық дәрігерлері:

1) осы қаулыға 4-қосымшаға сәйкес «Ashyq» жобасына қатысатын әлеуметтік-экономикалық объектілердің қызметін шектеу өлшемшарттарының сақталуын бақылауды;

2) «Ashyq» жобасын ұйымдастыруға және енгізуге қойылатын талаптарды бұзу фактілері бойынша жобаға қатысушыларға қатысты және шектеу және карантиндік шараларды бұзуға жол берген адамдарға қатысты әкімшілік ықпал ету шараларын қолдануды;

3) «жасыл», «сары» және «қоңыр қызыл» аймақтардағы жобаға қатысушыларға қатысты карантиндік шараларды қатаңдату туралы шешім қабылдау құқығынсыз және осы қаулының 1-тармағында көзделмеген жаңа қатысушыларды жобаға енгізу құқығынсыз осы қаулыны басшылыққа алуды қамтамасыз етсін.

«Алматы қаласын қоспағанда, 30 тамыздан бастап Ashyq жобасына қатысатын барлық бизнес объектілері үшін жұмыс уақытын жұмыс күндері сағат 22.00-ден 00.00-ге дейін, Ashyq жобасының көшбасшылары үшін сағат 00.00-ден 02.00-ге дейін ұзартсын», - деп жазылған.

Сондай-ақ, Алматы қаласында да шектеу шаралары дәл осылай жеңілдеуі үшін эпидемиологиялық жағдай тұрақтануы керектігі айтылған.

«Қаладағы эпидемиологиялық жағдай трұақтанған жағдайда карантиндік шараларды жеңілдетуді енгізу тиісінше ағымдағы жылғы 4 және 6 қыркүйектен басталсын», - деп жазыған қаулыда.
Қаулының толық мәтінімен сілтеме бойынша танысуға болады.

Барлық жаңалықтар