18 Қараша, 2019 10:35

Қытайлық студенттер қазақ тілін меңгеріп жатыр – Чжан Сяо

Қытайлық студенттер қазақ тілін меңгеріп жатыр. Бұл туралы Қытайда оқитын қазақстандық студенттер мен Қазақстанда оқитын қытай түлектерін қабылдау кешінде ҚХР елшісі Чжан Сяо айтты, деп хабарлады Strategy2050.kz тілішісі.

«Баршаңызды жыл сайынғы Қытай ЖОО-ларын тәмамдаған қазақстандық студенттерді қабылдау кешінде көргеніме қуаныштымын. Бұл кездесу қазақстандық қытайлар мен қытайтанушылар үшін қызықты әрі бірегей алаң болып табылады. Өткен жылғы кездесу әлі есімде, барлық қатысушылар осындай алаңда әңгімелесу мүмкіндігін сыйлаған үшін алғыс айтқан болатын. Себебі, көп адамдар бір қалада тұрса да бір-бірін сирек көреді. Осындай формат баршаңызға ұнайтыны аян», - деді Ч.Сяо.

Сонымен қатар, елші Л.Гумилев атындағы ЕҰУ ректоры Ерлан Сыдықовқа университеттің екі ел арасындағы мәдени- білім ынтымақтастығына белсенді үлес қосып жатқаны үшін алғысын жеткізді.

«Аталған қабылдаудың ерекшелігі - алғаш рет қазақстандық ЖОО-ларда қазақ тілін үйреніп жатқан қытайлық қонақтар қатысып отыр. Олар Қытайда іріктелген ең білімді әрі дарынды балалар. Олар қазақ тілін меңгеруді жақында бастаса да, нәтижелері жақсы. Бұл біз үшін алғашқы тәжірибе, әрі қарай жалғасын табады деген үміттемін», - деді Ч.Сяо.

Елші айтып өткендей, аталған факт – көпмағыналы.

« Біріншіден,бұл екі ел арасындағы мәдени және білім беру тереңдігі мен мемлекетаралық қарым-қатынастың жоғары деңгейін көрсетеді. Екіншіден, бұл қытайлықтардың Қазақстанға деген қызығушылығының артқанын көрсетіп отыр. Екіжақты қарым-қатынастың жаңа деңгейі мен жетістіктерін айта отыра, Елбасының сәуір айында Қытайға жасаған сапарын еске салғым келеді. Сол кезде Елбасы ҚХР төрағасы Си Цзиньпиннің Достық орденімен марапатталған болатын. Бұл оқиға екі ел дамуының тарихына өз үлесін қосты»,- деді Ч.Сяо.

Оған қоса, елші Президент Қасым-Жомарт Тоқаевтың қыркүйектегі сапарын да тілге тиек етті.

«Кездесудің қорытындысы бойынша екі ел көшбасшылары мәңгі жан-жақты стратегиялық әріптестік мәртебесін қабылдау туралы шешім қабылдады. Бұл Тоқаевтың алғашқы сапары екіжақты қарым-қатынас үшін маңызды кездесулердің бірі болды. Біз төртінші өнеркәсіптк революцияның басында тұрмыз. Ол өткен тәжірибенің барлығын жоққа шығарады. Жасанды интеллект, роботтандыру, заттар интернеті, виртуалды шындық, биотехнологиялар - жаңа экономикалық шынайылықтың көрнісі. Бұл бір жағынан көптеген мүмкіндіктің алғышарты, екінші жағынан – әлеуеттілікке қауіп төндіреді. Оның бірі дамып жатқан және дамыған елдер арасындағы алшақтықты арттыруы мүмкін. Біздің елдер өз кезінде үш революцияны өткізіп алды, ал қазіргі уақыт дамыған елдерді басып озуға мүмкіндік беріп отыр», - деді Чжан Сяо.

Сонымен қатар, елші келер жылы екіжақты оқиғаларға толы болатынын жеткізді.

«Жаңа жылда Елшілік сіздермен тығыз қарым-қатынас орнатуды күшейтеді. Біздің елшілік мемлекетаралық қарым-қатынастарды шешуге қатысты мәселелерді талқылап, шешімін табуға қолдауға әркез дайын», - деп түйіндеді ол.

Аягөз Құрмаш

ҰСЫНЫЛАДЫ

Барлық жаңалықтар

дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды