• Басты
  • «Томирис» фильмін түсіруге 2 млрд теңгеден астам қаржы жұмсалды
25 Қыркүйек, 2019 17:36

«Томирис» фильмін түсіруге 2 млрд теңгеден астам қаржы жұмсалды


«Томирис» фильмін түсіруге 2 млрд теңгеден астам қаржы жұмсалды. Бұл туралы ҚР Президенті жанындағы Орталық коммуникациялар қызметінде өткен «Томирис» фильмінің тұсаукесеріне байланысты баспасөз конференциясында ҚР Мәдениет және спорт вице-министрі Нұрқиса Дәуешов айтты, деп хабарлайды Strategy2050.kz.
«Томирис» фильмін түсіруге 2 млрд теңгеден астам қаржы жұмсалды | Strategy2050.kz
««Томирис» фильм Мәдениет және спорт министрлігінің тікелей қатысуымен түсірілді. Басты мақсаты – фильм арқылы өсклең ұрпақты патриотизмге тәрбиелеу. Тарихи фильмдерді түсіру әрине, оңай жұмыс емес. Нақты «Томирис» тарихи фильмін түсіруге 2 млрд 259 мың теңге жұмсалды», - деді Нұрқиса Дәуешов.

Айта кету керек, Министрліктің жанында Ұлттық киноны қолдау қоры бар. Бүгінгі таңда он фильмнің алтауы жарық көрді. «Томирис» соның жетіншісі. Алда әлі үш фильм жарыққа шығады. Оның бірі Әбіш Кекілбаев ағамызға қатысты «Шыңырау», Ермек Тұрсыновтың «Шырақ» және Жақсылық Үшкемпіров туралы «Жеңмпаз» фильмі.

Жиынға қатысқан фильмнің режиссері Ақан Сатаевтың айтуынша, картинаның сценарийін жазу барысында тарихтың атасы Герадоттың еңбектері пайдаланылған.

«Біз фильмге сценарий жазу кезінде бірнеше тарихшылармен жұмыс істедік. Сондай-ақ, тарихтың атасы Герадоттың еңбектерін басшылыққа алдық. Түсірілімді бастамас бұрын, шығармашылық топ тарихи-материалдармен танысты. Жобаға арнайы ғалым кеңесшілер тартылды. Дегенмен, біз алғашында фильмді Мороккода түсіруді жоспарладық. Түсірілім топ сол елге барып, сондағы декорацияларды көріп келгеннен соң Қазақстанда түсіреміз деп шешім қабылдадық. Себебі Мороккода түсіру тіптен қымбатқа шықты. Сөйтіп Қазақстанда, атап айтсақ, Шонжа,Көкшетау, Алматы, Қапшағай деген жерлерді түсірілді», - деді А.Сатаев.

Сондай -ақ, режиссердің айтуынша, түсірілім жұмыстары 93 күнге созылған. Ал сценарий жазу секілді басқа да жұмыстарын қосқанда 2 жарым жыл кеткен.

Жалпы, кинотуынды біздің заманымызға дейінгі VI ғасырда болған оқиғаны суреттейді. Фильмде кішкентай қыздан айбынды жауынгерге айналған, жақындарынан айырылып, сатқындардан өшін алған және сақ тайпаларын өз билігі астында біріктірген ұлы даланың аты аңызға айналған Томирис патшайымның тағдыры баяндалады.

Айта кетейік, аталған фильм 27 қыркүйектен бастап прокатқа шығады.

Аягөз Құрмаш 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды