3 Қараша, 2020 16:00
Тоқаев: Венадағы жантүршігерлік террактіні ақтап алуға болмайды
ҚР Президенті Қасым-Жомарт Тоқаев бүгін өзінің твиттер желісіндегі ресми парақшасында Венадағы жағдай туралы жазды, деп хабарлады Strategy2050.kz тілшісі.
"Венадағы жантүршігерлік терактіні ешқандай ақтап алуға болмайды. Австрия Үкіметі мен халқының қайғысына ортақпын. Халықаралық қоғамдастықтың күш-жігерін терроризмге, адамзатты жеккөрушілік идеологиясы мен әрекетіне қарсы тиімді біріктіру керек", - деп жазды ол твиттерде.
Естеріңізге сала кетейік, Австрия астанасы Вена қаласында дүйсенбі күні кешке қарай белгісіз топ көшедегі азаматтарға оқ атқан. Салдарынан бір адам оқиға орнында қаза тауып, бір адам ауруханада көз жұмып, 15 адам ауыр жарақаттанды. Австрия билігі мұны терракт деп есептейді.
