• Басты
  • Таразда газ тарату желілерін жаңарту аяқталып келеді
26 Желтоқсан, 2019 11:01

Таразда газ тарату желілерін жаңарту аяқталып келеді

Ұлттық оператор «ҚазТрансГаз» АҚ, Тараз қаласының газ тарату желілерінің 2019 жылға белгіленген ауқымды жаңғырту жұмыстарын толығымен аяқтады. 


 Таразда газ тарату желілерін жаңарту аяқталып келеді

Жобаның негізгі мақсаты – тұтынушыларға газ жеткізудің сенімділігін арттыру үшін газ желілері мен жабдықтарын толық жаңарту. Облыс орталығы жарты ғасырдан астам уақыт бұрын газдандырылған болатын және жаңғырту жұмыстары басталған кезде таратушы газ құбырлары мен жабдықтардың 66%-ның тозығы жеткен еді. Шұғыл шараларды қолға алмаса, апаттар мен газ берудегі үзілістердің  болуы анық еді. 

Тараз қаласының газ тарату жүйесін жаңғырту жобасы «ҚазМұнайГаз» ҰК АҚ мақұлдаған инвестициялық бағдарлама аясында жүзеге асырылуда. Жобаға сай, «ҚазТрансГаз Аймақ» АҚ Жамбыл өндірістік филиалы жұмыстарды екі кезеңге бөліп атқаруда. Жобаның бірінші кезеңінде 712 шақырым газ құбыры тартылды, 14 660 жеке шкаф орнатылды, 23 233 абонент газға қайта қосылды.

2017 жылы басталған жобаның 2-кезеңінде газ тарату кешенінің барлық нысандары іске қосылды, 82 шақырым газ құбыры тартылды, 2532 жеке шкаф орнатылды, соның арқасында 3518 абонент жаңа жүйеден газ ала бастады.

Жобаны жүзеге асыру барысында қаланың жеке секторында 899 км ескірген газ құбыры ауыстырылды. Бұл тұтынушылар арасындағы газдың жеткіліксіз қысымы мәселесін шешуге, газбен жабдықтау жүйесінің өткізу қабілеттілігін бір жарым есе арттыруға мүмкіндік берді.

Естеріңізге сала кетейік, Тараз – Ұлттық оператор «ҚазТрансГаз» АҚ инвестициялық жобалары аясында ескірген газ тарату желілері толықтай жаңартылып жатқан Шымкенттен кейінгі екінші ірі қала. Жүргізілген жұмыстар газ құбырларының өткізу қабілеттілігін ұлғайтып қана қоймай, оңтүстік аймақтағы екі ірі қаланың бүкіл газбен жабдықтау жүйесінің сенімділігін арттыруға мүмкіндік берді.

Жаңартылған жүйе барлық тұтынушыларға газды үздіксіз жеткізіп отырады, шағын және орта кәсіпорындардың, коммуналдық мекемелердің жұмысын тұрақты қамтамасыз етеді.

Қазіргі уақытта Жамбыл облысындағы газ құбырларының жалпы ұзындығы шамамен 5 мың шақырым, оның ішінде Тараз қаласында 1510 шақырым. Сонымен қатар, облыстың Талас, Жамбыл, Байзақ, Жуалы, Т.Рысқұлов, Меркі, Шу, Қордай аудандары газдандырылған. 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды