• Басты
  • Түркістан: "Арай-2020" байқауының жеңімпаздары анықталды
20 Ақпан, 2020 11:15

Түркістан: "Арай-2020" байқауының жеңімпаздары анықталды

Түркістан қаласындағы Р.Сейтметов атындағы сазды-драма театрында «АРАЙ-2020» жас эстрада әншілері мен мәдени іс-шара жүргізушілері байқауы өтті, деп хабарлады Түркістан облысы Өңірлік коммуникациялар қызметі.

Түркістан: "Арай-2020" байқауының жеңімпаздары анықталды

25 жылдан бері дәстүрлі түрде өткізіліп келе жатқан байқау ұлы ойшыл Абай Құнанбайұлының 175 жылдық мерейтойына арналды. Ондағы мақсат – ақын шығармаларын жастар арасында кеңінен насихаттап, жас талант иелерінің өнеріне қолдау білдіру.

Байқаудың деңгейін көтеріп, әділ өтуін қамтамасыз ету мақсатында халықаралық және республикалық театр фестивальдарының жүлдегері, «Дарын» мемлекеттік сыйлығының иегері, Астана жастар театрының актеры Әділ Ахметов және облыстық "Арай" жас ән орындаушылар байқауының 1996 жылғы гран-при иегері, халықаралық «Азия - дауысы» фестивалінің жеңімпазы, әнші Бауыржан Исаев арнайы шақырылған.

Байқау қағидаларына сәйкес 3-5 ақпан аралығында облыс аумағындағы аудан, қалаларында өткізілген іріктеу кезеңіне 294 үміткер қатысып, 38 үміткер ақтық сынға жолдама алған.

Сайыстың нәтижесі бойынша әділ-қазылар алқасының шешімімен ән байқауының бас жүлдесіне Аплатон Рақымжан лайық деп танылса, "Алтын жұлдыз" дуэті жүлделі бірінші орынды иеленді. Ал, Жайна Әпсаттар екінші орыннан көрінсе, Ардақ Ысқақова мен Сәтдаулет Сүлейменов үшінші орын иегерлері атанды.

Ал, мәдени іс-шара жүргізушілерінің сайысында бас жүлде Инабат Абытханқызына бұйырса, Нұрайым Төлебек жүлделі бірінші орынды қанжығасына байлады. Жасмина Анарбек екінші, Дастан Әлжанов пен Нүркен Абрахман үшінші орынды қанағат тұтты.

Бұдан бөлек, облыстық мәдениет басқармасының арнайы жүлдесі» -Мамырхан Жұбатовқа, «Көзімнің қарасы» номинациясы Ернур Әлібекке, «Көрермендер көзайымы» номинациясы – «Ugai» тобына,     «Қазылар алқасының арнайы жүлдесі» Айжан Пірімжарға табыс етілді. Сондай-ақ, іс-шара жүргізушілері арасынан облыстық мәдениет басқармасының арнайы жүлдесі» - Абзал Құралбаевқа, «Өлең сөздің патшасы» номинациясы Алтынай Шырынханға, «Көрермендер көзайымы» номинациясы Нұрсұлтан Отарға табысталды.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды