• Басты
  • Түркістан қаласындағы "Ұлы дала елі" орталығының құрылысы жүріп жатыр

Түркістан қаласындағы "Ұлы дала елі" орталығының құрылысы жүріп жатыр

4 Маусым, 2020 11:17

Облыс әкімі Өмірзақ Шөкеев Түркістан өңіріне жұмыс сапарымен келген Атырау облысының әкімі Махамбет Досмұхамбетовпен кездесті. Жұмысшы топ облыс орталығында бой көтерген "Ұлы дала елі" мәдени кешенінің құрылыс барысымен танысты, Түркістан облысы әкімінің баспасөз қызметі.

Түркістан шаһарын түлету мақсатында еліміздің әрбір облысы бір нысаннан тарту еткен болатын. Соның бірі Атырау облысы әкімдігі туризм ордасы, киелі Түркістан жеріне сәулет өнерінің үздігіне айналар «Ұлы дала елі» рухани орталығын салып беруде.

ҰЛЫ ДАЛА ЕЛІ эск.jpg

Орталықта Қазақ Хандығының құрылғанынан бастап, жаңа дәуір дамуына дейінгі әртүрлі тақырыпты ашатын 9 тарихи – заманауи залдар ашылады. Құрылыс басында болған Атырау облысының әкімі мәдени орталықта заманауи мүмкіндіктерді, яғни, инновациялық технологияларды барынша қолдануды ұсынды.

26d473b9-f630-4f74-bee5-b5e80156ec44.jpg

Алып құрылыс алаңына айналған облыс орталығында еліміздегі ірі құрылыс компаниялары киелі шаһарды түлету жолында күндіз-түні тер төгуде. Атырау облысы әкімдігінің сыйы қыркүйек айында аяқталуы тиіс. 0,8 га жерде бой көтеріп жатқан орталықтың аумағы 6200 шаршы метрді құрайды. Қазіргі таңда құрылыс жұмыстары жоспарға сай жүріп жатыр.

Барлық жаңалықтар