• Басты
  • Сыбайлас жемқорлық қылмысы үшін сотталғандар мерзімнен бұрын шартты түрде босатылмайды

Сыбайлас жемқорлық қылмысы үшін сотталғандар мерзімнен бұрын шартты түрде босатылмайды

21 Желтоқсан, 2020 18:18

Бүгін ҚР Президенті жанындағы Орталық коммуникациялар қызметінде өткен брифингте ҚР Сыбайлас жемқорлыққа қарсы іс-қимыл агенттігі төрағасының бірінші орынбасары Олжас Бектенов мәлімдеді, деп хабарлады Strategy2050.kz тілшісі.


Тек екі жағдайда ғана шартты түрде босатуға мүмкіндік беріледі. Бірінші жағдайда, жүкті әйелдер, жас балалары бар әйелдер, жалғыз басты әкелер, сондай-ақ зейнеткерлік жастағы адамдар және бірінші, екінші топтағы мүгедектер. Тергеумен белсенді жұмыс істеген күдіктілерге қатысты жеңілдіктер қарастырылуы мүмкін.

«Залал толық өтелген және жазаны өтеу кезеңінде жазалар болмаған жағдайда, азаматтардың аталған санаттары жазаның белгілі бір мерзімін іс жүзінде өтегеннен кейін шартты түрде мерзімінен бұрын босатылуы мүмкін. Ауыр және аса ауыр сыбайлас жемқорлық қылмыстар бойынша қалған барлық азаматтарға қатысты шартты түрде мерзімінен бұрын босату жойылады. Адамдар сот тағайындаған жазаны толығымен өтейді. Бұл шараның елеулі профилактикалық әсері болатынына сенімдімін. Әр адам заңсыз іс-әрекетке бармай тұрып, ойлануы керек», - деді Бектенов.

Сыбайлас жемқорлық үшін сотталғандар қоныс-колонияларына жалпы негізде кіре алады.

«Енді парақорлықтың ауыр құрамы үшін сотталғандар, ал бұл айтарлықтай және ірі мөлшерде пара алу және беру, құқық қорғау органы қызметкерінің немесе судьяның пара алуы, парақорлыққа бірнеше рет делдал болу жазасын өтеу үшін орташа қауіпсіз ҚАЖ мекемелеріне, ал аса ірі мөлшерде пара алған немесе берген адамдар – қауіпсіздігі барынша жоғары ҚАЖ мекемелеріне жіберілетін болады. Осылайша, мұндай санаттағы адамдар үшін жазаны неғұрлым ыңғайлы ұстау жағдайында өтеуге құқықтық тосқауыл қойылды», - деді ол.

Ал колония-қонысқа көшу үшін енді олар залалды өтеумен қатар, үлгілі мінез-құлықпен тағайындалған жазаның бір бөлігін түзеу мекемелерінде өтеуі тиіс.

Барлық жаңалықтар