СOVID-19: Әлем елдері карантин шараларын жеңілдете бастады
Өткен сенбіден бастап көптеген еуропалық елдe дүкендер ашылды және екінші локдаундағы карантиндік шаралар коронавирус инфекциясын жұқтырғандар санының төмендеуіне әсер етті. Алайда, пандемия әлі жалғасып жатқан АҚШ-та шектеулер әлі күшінде, Лос-Анджелесте іс-шаралардың барлығына дерлік тыйым салынған. Әлемдегі эпидахуал туралы Strategy2050.kz тілшісі дайындаған материалдан оқи аласыздар.
Дүниежүзілік Джон Хопкинс университетінің мәліметтері бойынша, әлемде коронавирус жұқтырғандар саны 61 млн-нан асты, ал адам 1,4 миллионнан астамы қайтыс болған. Дегенмен, шынайы деректер белгісіз, өйткені тестілеу және деректерді тіркеу әдістері бүкіл әлемде әртүрлі.
Қазір ең жылдам вирус Азия мен Латын Америкасында, атап айтқанда Мексикада таралып жатыр.
Ресми түрде тіркелген науқастардың ең көп саны тіркелген бес мемлекеттің қатарында АҚШ, Үндістан, Бразилия, Франция және Ресей бар. Еуропа Латын Америкасы мен Кариб аралдарынан кейін жаңа коронавирустан қайтыс болғандар саны ең көп тіркелген әлемдегі екінші аймаққа айналды. Ал Ресейде екінші күн қатарынан жаңадан жұқтырғандардың рекордтық өсімі байқалып отыр.
Өткен сенбіде Ұлыбритания астанасы Лондонда локдаунға қарсы наразалық акциясы ұйымдастырылды. Салдарынан Save Our Rights UK акциясының 60-тан астам қатысушысы қала орталығында ұсталды. Ал Лондон полициясы адамдарды көптеген құқық бұзушылықтар үшін, атап айтқанда эпидемиологиялық нормаларды сақтамағаны үшін ұстағанын хабарлады.
Ұлыбританияда дүкендер, мейрамханалар мен барлар 2 желтоқсаннан бастап жұмыс істей бастайды, бірақ белгілі бір аймаққа берілген эпидемиологиялық қауіптің деңгейіне байланысты бүкіл ел бойынша айтарлықтай шектеулер қолданыла береді.
Алайда, екінші локдаун кезінде бірқатар тәуелсіз дүкендер мен кафелер интернеттегі тапсырыспен жұмыс істей берді, ал Англияның солтүстігіндегі шаштараз салонының бір иесі биліктің бұйрығын орындаудан бас тартқаны үшін 27000 фунт (43000 мың доллар) айыппұл төлейтін болады.
Францияда желідегі сатушыларға әділетсіз артықшылық бермеу үшін билік «Қара жұма» күндерін келесі аптаға ауыстырды. Сонымен қоса, Францияда дүкендер сенбіде ашылды және тұрғындарға күніне 3 сағатқа дейін үйден шығуға рұқсат етілді.
Сонымен қоса өткен сенбіде Польша да өзінің сауда нүктелерін ашты. Бельгияда да осы аптада дүкендер ашылмақ, бірақ ішінара шектеу шаралары сақталады.
Сондай-ақ, Германия Люксембург және Нидерландыда да шектеу шаралары жеңілдетіледі.
Өткен жексенбіден бастап Италия билігі Ломбардия мен Пьемонттың солтүстік аймақтарындағы, сондай-ақ оңтүстігіндегі Калабриядағы карантин шараларын жартылай алып тастады, қауіптілік деңгейі қызылдан қызғылт сарыға өзгерді.
Ирландия кейбір кәсіпкерлердің жұмысын қалпына келтіруге және тұрғындардың Рождество мерекесін бірге өткізуіне мүмкіндік беретін шектеулерді кезең-кезеңімен алып тастайтындығын жариялады.
Назерке Сүйіндік
