• Басты
  • Шығыс Қазақстан облысында заңды тұлғаларға арналған ХҚО ашылады
15 Мамыр, 2020 12:35

Шығыс Қазақстан облысында заңды тұлғаларға арналған ХҚО ашылады

18 мамырдан бастап Өскемен қаласында шағын және орта бизнеске қызмет көрсету үшін 4 орталық ашылады. Сондай-ақ заңды тұлғаларға арналған ХҚО 13 аудан орталығында ашылады. Тиісті шешімді ТЖ режимін қамтамасыз ету жөніндегі Шығыс Қазақстан облыстық штабы қабылдады,деп хабарлады Strategy2050.kz облыс әкімдігіне сілтеме жасай отырып.
Шығыс Қазақстан облысында заңды тұлғаларға арналған ХҚО ашылады

Құжаттарды қабылдау санитарлық-эпидемиологиялық талаптарды және әлеуметтік қашықтықты сақтай отырып, 1414 байланыс орталығы немесе  egov.kz сайтындағы арнайы сервис арқылы кезек уақытын алдына ала брондау арқылы жүзеге асырылады. 

«Азаматтарға арналған үкімет» мемлекеттік корпорациясының» Шығыс Қазақстан облысы бойынша филиалы мемлекеттік қызметтерді сапалы және тиімді көрсету үшін кәсіпкерлерге құжаттарының толық пакетін ұсынуды, сондай-ақ халыққа қызмет көрсету орталықтарында маска режимін сақтауды сұрайды.

Санитарлық-эпидемиологиялық нормаларды сақтау мақсатында филиал қызметкерлері бетперде мен қолғаптарда жұмыс істейтін болады.

Айта кету керек, жеке тұлғалар мемлекеттік қызметтерді egov.kz электронды порталы, eGov Mobile мобильді қосымшасы және телеграмдағы egovkzbot2.0 боты, сондай-ақ Facebook және Vk әлеуметтік желілері арқылы алуды жалғастырады. 

Заңды тұлғалар үшін ХҚО-ның жұмыс кестесі Дүйсенбі-жұма аралығы 9.00-ден 17.00-ге дейін, Сенбі күні 9.00-ден 14.00-ге дейін.

Барлық жаңалықтар