• Басты
  • ШОБ өкілдеріне 160 миллиард теңге көлемінде жеңілдетілген несиелер берілді

ШОБ өкілдеріне 160 миллиард теңге көлемінде жеңілдетілген несиелер берілді

25 Мамыр, 2020 12:33

Шағын және орта бизнесті 12 айға дейін жылдық 8% аспайтын мөлшерде жеңілдетілген несиелеу бағдарламасын жүзеге асыру жалғасуда, деп хабарлады Strategy2050.kz «Қазақстанның орнықтылық қоры» АҚ Сыртқы коммуникациялар қызметіне сілтеме жасай отырып.




Бағдарлама басталған сәттен бастап бүгінгі күнге дейін банктер арқылы 1116 шағын және орта бизнес нысаны шамамен 160 млрд теңгеге несие алған. Несие алушылардың ішінен көтерме және бөлшек сауда, өндіріс және құрылыс саласы өкілдерінің үлесі басым.

Естеріңізге сала кетейік, жеңілдетілген несиелеу бағдарламасы Мемлекет басшысы Қасым-Жомарт Тоқаевтың коронавирус пандемиясының ел экономикасына тигізетін жағымсыз салдарын жоюға байланысты тапсырмасы бойынша қолға алынған болатын. Шағын және орта бизнесті, төтенше жағдайдан зардап шеккен жеке кәсіпкерлерді қолдау үшін Қазақстан Республикасының Ұлттық Банкі 600 миллиард теңге бөлді. Бағдарламаны Қазақстанның орнықтылық қоры Қазақстан Республикасының қаржы нарығын реттеу және дамыту агенттігімен және елдегі ірі 12 банпен бірлесіп жүзеге асырып отыр.


Барлық жаңалықтар