• Басты
  • Шетел азаматтары Қазақстанда 30 күн тіркеусіз жүре алады - ІІМ
31 Желтоқсан, 2019 11:20

Шетел азаматтары Қазақстанда 30 күн тіркеусіз жүре алады - ІІМ

Мемлекет басшысының тапсырмасы бойынша Ішкі істер министрлігі мүдделі мемлекеттік органдармен бірге елге келген шетелдіктерді тіркеу тәртібін жасап шықты. ІІМ елімізде 30 күнге дейін болатын барлық санаттағы шетелдік азаматтарды уақытша тіркеу тәртібін тоқтатады, деп хабарлады ҚР ІІМ Баспасөз қызметі.

Шетел азаматтары Қазақстанда 30 күн тіркеусіз жүре алады - ІІМ

"Қазақстан Республикасының Президенті Қасымжомарт Тоқаев "Қылмыстық, Қылмыстық-процесуальдық заңнамаларды жетілдіру және жеке тұлғалардың құқығын қорғауды күшейту мәселелері бойынша кейбір заң актілеріне өзгерістер мен толықтырулар енгізу туралы» сәйкесті Заңға қол қойды. Ол БАҚ-та жарияланғаннан кейін 10 күнде күшіне енеді. Шетелдік қонақтың келгені жөнінде қабылдаушы тарап көші-қон қызметін елге келген күннен бастап 3 жұмыс күні ішінде хабардар етуі тиіс. Шетелдіктің Қазақстанда болуы туралы хабарлау рәсімі бүгінгі күні барынша жеңілдетілді және көші-қон қызметінің бөлімдеріне баруды талап етпейді", делінген хабарламада.

Сондай-ақ визалық-көші-қон порталында www.vmp.gov.kz мыналар жасалуы қажет:

✅ Шетелдік туралы және қажет болған жағдайда оның балалары туралы мәліметтерді толтыру;

✅ Толтырылған өтінім нысанына ЭЦҚ көмегімен қол қою;

✅ 15 минуттан кейін Жеке кабинетте сақталатын дайын құжатты алу.

Айта кету керек, бұл қызмет тегін көрсетіледі және мұны ІІМ 2014 жылдан бастап ұсынып келеді. Ағымдағы жылы оны 250 қонақ үй пайдаланды, оларда 110 000 шетелдіктің болғаны туралы мәлімет берді.

Шетелдік азамат Қазақстан аумағында 30 тәуліктен артық болған кезде қабылдаушы тарап (қонақ үйлер, хостелдер, жалға берілетін пәтерлер, емдеу- алдын алу мекемелері және басқа да заңды және жеке тұлғалар) мейманға уақытша болуға рұқсат рәсімдеуге міндетті.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды