• Басты
  • Сенаторлар банкроттық рәсімдерін жетілдіру мәселелері туралы заң жобасын қарады
3 Желтоқсан, 2019 15:34

Сенаторлар банкроттық рәсімдерін жетілдіру мәселелері туралы заң жобасын қарады

Парламент Сенаты Қаржы және бюджет комитетінің кеңейтілген отырысында «Қазақстан Республикасының кейбір заңнамалық актілеріне оңалту және банкроттық рәсімдерін, бюджет, салық заңнамасын және теміржол көлігі туралы заңнаманы жетілдіру мәселелері бойынша өзгерістер мен толықтырулар енгізу туралы» заң жобасы қаралды.

 Сенаторлар  банкроттық рәсімдерін жетілдіру мәселелері туралы заң жобасын қарады

Заң жобасының мақсаты – алтыншы шақырылымдағы Қазақстан Республикасы Парламентінің үшінші сессиясының ашылуында  Мемлекет басшысы белгілеген оңалту және банкроттық рәсімдерін жетілдіруді қамтамасыз ету, сондай-ақ дәрменсіздік жүйесінің тиімділігін арттыру болып табылады. 

Жобаның тұжырымдамалық негізгі бағыттарына: оңалту және банкроттық рәсімдерін бастау тәртібін қайта қарау; оңалтуды қолдану және банкрот деп тану тәртібін қайта қарау; банкроттық рәсімдерін қысқарту мақсатында кредиторлар жиналысының өкілеттігін қайта қарау; кредиторлардың борышкерге қойылатын талаптарын мәлімдеу тәртібін нақтылау; уақытша басқарушыны немесе уақытша әкімшіні тағайындау тәртібін қайта қарау; басқарушыларға төленетін сыйақыны төлеуді қайта қарау; кепілді кредиторлар талаптарын қанағаттандыру тәртібін қайта қарау; әдейі банкроттық және жалған банкроттық үшін қағидаларды қайта қарау; жұмыс істемейтін борышкерді банкроттық рәсімін қозғаусыз тарату тәртібін қайта қарау; магистральдық теміржол желісін және теміржол көлігінің жылжымалы құрамын дамыту мақсатында шығарылған тасымалдаушының облигациялары бойынша купондық сыйақы мөлшерлемесін субсидиялау тәртібін белгілеу; микро және шағын бизнес компанияларын табыс салығынан үш жыл мерзімге босату; бюджет қаражатын тиімсіз жоспарлағаны және тиімсіз пайдаланғаны үшін жауапкершілікті күшейту жатады.

Заң жобасы Палатаның қарауына жіберілді. 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды