Сайлау-2021: Еxit poll нәтижесі шықты

"Қоғамдық пікір" зерттеу институтының нәтижелері

11 қаңтар сағат 00.00-де ҚР Президенті жанындағы орталық коммуникациялар қызметінде сайлау нәтижелері бойынша брифинг өтті. «Қоғамдық пікір» зерттеу институтының директоры Айнұр Мәжитованың айтуынша, олар сайлау учаскелерінен шыға берісте азаматтарға сауалнама - Еxit poll жүргізген. Exit pool 24 000 cсайлаушыны қамтыған.

«Институттың интерверлері 600 сайлау учаскесінде сауалнама өткізді. Оның ішінде - 316-сы қалада, 284-і ауылда. Сауалнама Нұр-Сұлтан, Алматы, Шымкент қалаларын, барлық облыс орталықтарын, аудандық маңызы бар қалаларды, шағын қалаларды және ауылдық елді мекендерді қамтыды. Күні бойы сауалнаманының 4 толқыны өткізілді. Сауалнама қателігі 2 пайыз шамасында. Сауалнама жүргізу жұмысына 600-ден астам интервер атсалысты», - деді Айнұр Мәжитова.

Нәтиже төмендегідей:

-         «Nur Otan» партиясы –  71,97%

-         Қазақстанның «Ақ жол» демократиялық партиясы –- 10,18 %

-         Қазақстанның Халық партиясы – 9,03 %

-         «Ауыл» халықтық-демократиялық патриоттық партиясы – 5,75 %

-         «ADAL» саяси партиясы – 3,07%

"Демократиялық институт" нәтижелері

«Демократия институты» ғылыми-зерттеу ассоциациясының жобалар бойынша директоры Татьяна Башарина берген дерек бойынша,   сауалнама алушылар 500 сайлау учаскесінде жұмыс істеді. Оның 263-і қалалық, 237-ауылдық елді мекендер. Жалпы саны 20 мың сайлаушыдан сауалнама алынған

Олар жасаған Exit poll нәтижесі мынандай: 

- «Nur Otan» партиясы –  72,01%

- «Ауыл» халықтық-демократиялық патриоттық партиясы – 4,93 %

- «ADAL» саяси партиясы – 3,25%

- Қазақстанның «Ақ жол» демократиялық партиясы – 10,27 %

- «Қазақстанның Халық партиясы – 9,54 %

"Астана зерттеу" қоғамдық қорының нәтижелері 

"Астана зерттеу" қоғамдық қорының өкілдері берген Exit pool  нәтижелері өмендегідей:

-  «Nur Otan» партиясы –  73,75%

- «Ауыл» халықтық-демократиялық патриоттық партиясы – 4,8 %

- «ADAL» саяси партиясы – 3,15 %

- Қазақстанның «Ақ жол» демократиялық партиясы – 10,13 %

- «Қазақстанның Халық партиясы – 8,17 %

Олар Қазақстанның  14 облысында, Нұр-Сұлтан, Алматы және Шымкент қалаларында 170 сайлау учаскесінде сауалнама жүргізген. Олардың сауалнамасы 34 мың сайлаушыны қамтыды. Қателесу коэффициенті 1-2% болуы мүмкін.

Нұрсұлтан Назарбаев экзит-полл нәтижесімен танысу үшін «Nur Otan» партиясының республикалық сайлауалды штабына келгенін оның баспасөз хатшысы Айдос Үкібай Twitter -дегі парақшасына жазды.