• Басты
  • Саясаттанушы: Сайлау – Қазақстанның идеологиялық, демократиялық дамуының белгісі

Саясаттанушы: Сайлау – Қазақстанның идеологиялық, демократиялық дамуының белгісі

23 Желтоқсан, 2020 16:57

Белгілі саясаттанушы Санат Күшкімбаев сайлау қарсаңында Қазақстанның идеологиялық дамуы мен азаматтардың құндылық бағдары туралы ойын Strategy2050.kz тілшісіне айтып берді.

 


Бір айдан кейін болатын кезекті Қазақстандағы Мәжіліс пен мәслихаттарға депутаттарды халықтың сайлауы – Қазақстанның демократиялық дамуының бір көрінісі. Бес партия сайлауға қатысқалы жатыр, алайда Қазақстанда алты саяси партия тіркелген. Бұл – Қазақтанда әр түрлі саяси пікірлердің және бірнеше спектрдің бар екендігінің айқын көрінісі. Дәл қазіргі үгіт-насихат жұмыстары кезінде партияаралық бәсекелестіктің бары сезіледі. Әр партия сайлаушылар алдында өздерінің бағдарламаларымен таныстырып жүр. Қазақтандықтар саналы түрде таңдау жасайды деп сенемін. Қазіргі елімізде болып жатқан осы саяси оқиға Қазақстанның идеологиялық дамуының да бір белгісі. Әрине, көптеген мемлекетте идеологиялық бағыт-бағдар, идеологиялық пайым, түсінік қалыптасқан.

 Қазақстанда да бұл жоқ емес. Қазақстан зайырлы, плюралистік, демократиялық дамуды құндылық деп сесптейтін мемлекеттер қатарына жатады. Бұл ҚР Конституциясында да көрсетілген. Ұлттық жағынан алып қарайтын болсақ этностар аралығындағы гармония, азаматтық ұлт қалыптастыруға көңіл бөлу, өзара келісім – осылар да еліміздегі идеологиялық дамудың көрсеткіштері. Дінаралық келісімді де Қазақстан 30 жылда жолға қоя білді. Жалпы халық зайырлы форматтағы басымдықты және қоғамның демографиялық құрылымында олардың жақтаушыларының үлесіне сәйкес – дәстүрлі конфессияларға жұмсақ қолдауды көздейтін конфессияаралық диалог пен консенсустың қалыптасқан тәжірибесін қолдайды. 

Идеологиялық дамудың тағы белгілері: демократиялық, плюралистік қоғам құруға талпыну, нарықтық экономиканың қалыптасуы, көппартиялы Парламент құру. Қазақстан азаматтары елдің Заңнамасын, ұзақ мерзімді стратегиялық жоспарларын құрметтейді, мұны да идеологиялқ дамудың бір белгісі деп қарауға болады.

 2012 еліміздің болашағының жаңа картасын – «Қазақстан – 2050» Стратегиясын жария етті. Біз жаңа идеологиялық платформаға, пікір алмасу нысанына, зияткерлік жұмыстардың бағдарына, еңбек пен өзімізді жетілдірудің тетіктеріне қол жеткізуге талпынып келеміз. Және азаматтардың құндылық бағдары да осыған негізделген.

Барлық жаңалықтар