• Басты
  • С. Омаров ОА елдерінің ауыл шаруашылығы министрлерін ынтымақтасып жұмыс істеуге шақырды
20 Мамыр, 2020 15:19

С. Омаров ОА елдерінің ауыл шаруашылығы министрлерін ынтымақтасып жұмыс істеуге шақырды

ҚР Ауыл шаруашылығы министрі Сапархан Омаров Орталық Азия елдерінің ауыл шаруашылығы министрлерін аймақтық азық-түлік қауіпсіздігін нығайтуға және тығыз ынтымақтастыққа шақырды, деп хабарлайды Strategy2050.kz  АШМ баспасөз қызметіне сілтеме жасай отырып.
 С. Омаров ОА елдерінің ауыл шаруашылығы министрлерін ынтымақтасып жұмыс істеуге шақырды

2020 жылғы 19 мамырда Орталық Азия елдерінің ауыл шаруашылығы министрлерінің «COVID-19» пандемиясы жағдайында азық-түлік қауіпсіздігі және ауыл шаруашылығын дамыту: озық тәжірибе алмасу және жауапты іс-әрекеттерді үйлестіру» тақырыбында бейнеконференция режимінде кеңесі өтті.

Аталған іс-шарада Орталық Азия елдерінің аграрлық ведомстволарының басшылары (Қырғызстан, Тәжікстан, Түркменстан, Өзбекстан), Азық-түлік және ауыл шаруашылығы ұйымы (ФАО) Бас директорының орынбасары, Дүниежүзілік Банкінің, Еуразиялық даму банкінің (ЕАДБ), Еуропа Қайта құру және даму банкінің (ЕҚДБ), Ислам Даму Банкінің (ИДБ), Халықаралық Ауыл шаруашылығы Даму Қорының (ИФАД) өкілдері қатысты.

Отырыс барысында Министрлер пандемия салдарын еңсеру бойынша қабылданып жатқан шаралар, іс-қимылдар мен жоспарлар туралы ақпаратпен алмасты. Диалог «COVID-19» пандемиясы кезінде азық-түлік қауіпсіздігін қамтамасыз етуге және ауыл шаруашылығын дамытуға бағытталған әңгімеде өрбіді.

ҚР Ауыл шаруашылығы министрі Сапархан Омаров Орталық Азия елдерінің ауыл шаруашылығы саласында әлеуеті зор екенін атап өтті. Бұл тиісті даму және тығыз ынтымақтастықпен жұмыс істеу кезінде азияаралық азық-түлік қауіпсіздігін қамтамасыз етуге, сондай-ақ ішкі және сыртқы сын-қатерлер мен қиындықтарға уақтылы ұжымдық жауап беруге мүмкіндік береді.   

Тараптар осы форматтағы мерзімді ақпарат алмасу, болашақта азық-түлік қауіпсіздігі және ауыл шаруашылығын дамыту бағытында, пандемия салдарын жеңілдету мақсатында Орталық Азия елдері арасындағы уақтылы және тиімді ынтымақтастыққа ықпал ететінін қолдады. Алдағы уақытта қажет болған жағдайда елдер арасында өзекті мәселелер бойынша жедел шешімдер қабылдауға, сондай-ақ бірлескен жобаларды іске асыру бойынша жеке бастамаларды ынталандыруға келісті.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды