• Басты
  • ҚР сайлау: Барлық сайлау учаскесінің жұмысы басталды

ҚР сайлау: Барлық сайлау учаскесінің жұмысы басталды

10 Қаңтар, 2021 09:42

Республикадағы барлық 9994 сайлау учаскесі және шет мемлекеттердегі Қазақстан Республикасы өкілдіктерінің жанындағы 17 сайлау учаскесі дауыс беруге кірісті, деп хабарлады Strategy2050.kz.

«Учаскелік сайлау комиссиялары сайлаушылардың өтініштері бойынша Парламент Мәжілісі депутаттарын сайлау бойынша дауыс беру құқығын беретін 10599 есептен шығару куәлігін берді. Осы есептен шығару куәліктері бойынша азаматтар бүгін келген жеріндегі кез келген учаскеде дауыс бере алады», - делінген ОСК баспасөз қызметінің хабарламасында.

Мәслихаттар депутаттарын сайлау бойынша дауыс беру құқығын беретін 11 612 есептен шығару куәлігі берілді.


Шетелдегі 49 сайлау учаскесі уақыт белдеулерінің айырмашылығын ескере отырып, дауыс беруге кіріседі.

ҚР Сыртқы істер министрлігінің хабарлауынша, Бейжің, Шанхай, Гонконг, Сингапур, Куала-Лумпур, Джакарта, Бангкок, Ұлан-Батыр қалаларында сайлау учаскелері өз жұмысын бастады.


Сонымен бірге, Бішкек, Ташкент, Ашхабад және Душанбеде сайлау учаскелері ашылды. Сондай-ақ, Нью-Дели мен Исламабадтағы сайлау учаскелері жұмысын бастады


Бұдан бөлек, Баку, Ереван және Тбилисиде сайлау учаскелері ашылды.


Айта өтейік, сайлаушылар тізіміне 11 млн 915 мың 903 сайлаушы енгізілген.

Барлық жаңалықтар