• Басты
  • Р.Рымбаева: Әрбір сыйлы азамат өзін-өзі дамыту үшін жұмыс істеуі керек

Р.Рымбаева: Әрбір сыйлы азамат өзін-өзі дамыту үшін жұмыс істеуі керек

12 Желтоқсан, 2019 16:18

Әрбір сыйлы азамат өзін-өзі дамыту үшін жұмыс істеуі керек,деді әнші Роза Рымбаева Президент Қ.Тоқаевтан "Қазақстанның Еңбек ері" орденін алған соң.

"Тәуелсіз елдің азаматы болу жауапкершілікті қажет етеді. Сондықтан да әрбір азамат мәдениет,экономиканы көтеру үшін бар күш-жігерін салып, жұмыс істеуі керек. Сондай-ақ, әрбір сыйлы азамат өзін-өзі дамыту үшін жұмыс істеуі тиіс. Мен шығармашыл адаммын,өнерде болғаным үшін бақыттымын. Мені депутаттыққа үш рет ұсынды,мен бас тартқан болатынмын. Мен елдің мәдениетін арттыруға үлес қосып жатырмын",-деді ол.

Сонымен қатар,Р.Рымбаева марапаттың салмағы туралы айтып өтті.

"Қарапайым еңбек адамын бағалау деген сөз,ол адамның айналасындағы ұжымдастары мен әріптестері,ауылдастары үлгі алады.Себебі,еңбек адамына құрмет босқа атағы берілмейді. Ол өзінің еңбегімен,мәдениетімен,мінезімен,өмірімен жоғары тұрған адам деп санаймын",-деді ол.

Аягөз Құрмаш

Барлық жаңалықтар