ҚР Денсаулық сақтау министрлігі Қытайда таралған жаңа пневмония туралы хабарламаны жоққа шығарады
Қытайдың кейбір ақпарат құралдары «Қазақстанда коронавирустан да қауіпті белгісіз пневмония тіркелген» деген ақпарат таратып жүр. Қазақстан Республикасы Денсаулық сақтау министрлігінің ресми мәлімдемесіне сәйкес бұл ақпарат ШЫНДЫҚҚА СӘЙКЕС КЕЛМЕЙДІ,-деп хабарлайды Strategy2050.kz тілшісі.
ДДСҰ аурулардың халықаралық жіктемесіне – АХЖ 10 пневмонияны есепке алу үшін кодтар енгізгенін атап өткен жөн, бұл кезде КВИ клиникалық немесе эпидемиологиялық диагностикаланғанда, мысалы өкпенің зақымданған "күңгірт шынының" симптомы, бірақ зертханада расталмаған.
Осы орайда өзге елдермен қатар Қазақстан да осындай түрдегі пневмонияны есепке алып, бақылап отырады. Бұл өз кезегінде коронавирус инфекциясының таралуы мен оны тұрақтандыруға бағытталған бірқатар басқару шешімдерін уақытылы қабылдауға мүмкіндік береді, - дейді баспасөз қызметінде.
Қазақстанның Денсаулық сақтау министрі А. Цой 9 шілдедегі брифингте елдегі пневмонияның, нақтылай түссек, бактериялық, вирустық, сонымен қатар, АХК-10 классификациясына сай «этиологиясы белгісіз вирустық пневмония» ауруларының жалпы саны туралы айтқан болатын.
Осылайша, Қазақстан Республикасы Денсаулық сақтау министрлігі қытай баспасөз құралдары таратқан ақпаратының ШЫНДЫҚҚА СӘЙКЕС КЕЛМЕЙТІНДІГІН ХАБАРЛАЙДЫ, - делінген хабарламада.
Айнара Байжан
