ҚР Бас санитарлық дәрігері: Коронавирус жұқтырған бір адам 4 адамға жұқтыруы мүмкін

"Вирус өте жұқпалы, бір адам 4 адамға жұқтыруы мүмкін. Науқас алғашқы белгілер пайда болғанға дейін инфекцияны басқа адамдарға жұқтырады. Мұнда жағдай бізде Алматы қаласында және Нұр-Сұлтанда бар. Бір пациенттен 2-ден 7-ге дейін ауру жұқтырған. Бұл мәліметтер вирустың өте жұқпалы екенін тағы бір дәлелдейді. Сондықтан мұның алдын алу шарасы - карантин", - деді ҚР Бас санитарлық дәрігері.

Сонымен қатар Айжан Есмағамбетова жаңа қаулыдағы мәселелерге тоқталып өтті. Оның сөзінше, бүгіннен бастап шеттен келген азаматтардың бәрін тексеру үшін стационарларға жатқызылатын болады.

"Коронавирус инфекциясының (бұдан әрі - КОВИД-19) Қазақстан Республикасының тұрғындары арасында таралуын болдырмау мақсатында мен бүгін "Қазақстан Республикасы тұрғындарының қауіпсіздігін қамтамасыз ету шаралары туралы" қаулы шығардым. Қаулыға сәйкес инфекция таралуының қазіргі сипатын ескере отырып, біз біз шетелден келген адамдарды бақылауды жалғастырамыз. Бүгіннен бастап шетелден келген барлық адамдар КВИ-ге зертханалық зерттеу үшін келген сәттен бастап карантиндік cтационраға оқшауланатын болады", - деді ол.

Ал оның айтуынша, нәтижелері шыққаннан кейін оң нәтиже көрсеткендер емделу үшін жұқпалы аурулар ауруханасына, ал теріс нәтиже көрсеткен адамдар 11 күнге үй карантиніне жіберіледі.

Бұдан бөлек ҚР Бас санитарлық дәрігері жаңа қаулыға сәйкес коронавирус инфекциясын жұқтырып, қайтыс болғандардың жаназасы қалай шығарылатыны жөнінде айтып өтті.

"Алгоритм бойынша инфекциядан қайтыс болған адамды тума-туыстарына беруге болмайды. Сондай-ақ мейiттi союға да болмайды. Жақын туыстарына 3 метр қашықтықта тұрып қоштасуға 30 минут уақыт берiледi. Жерлеу рәсіміне бір діни қызметкер қaтысaды. Сoнымен бірге жерлеу рәсiмi кeзiнде санитарлық-эпидемиялық қызмет қызметкерiнiң бақылауымен және жергілікті атқарушы органның қатысуымен өтедi", - деді Айжан Есмағамбетова.

Oның сөзінше, жерлеу кезінде эпидeмияғa қaрсы бaрлық шаралaр қатаң сақталады.

Назерке Сүйіндік