• Басты
  • Жолдау-2020:Экономиканы қалыпқа келтіру үшін бөлінген қаржы қалай жұмсалады

Жолдау-2020:Экономиканы қалыпқа келтіру үшін бөлінген қаржы қалай жұмсалады

4 Қыркүйек, 2020 12:27

Қазақстан Республикасының  Қаржы министрі Ерұлан Жамаубаев, Ұлттық экономика министрі Руслан Дәленов және ҚР Премьер-Министрінің бірінші орынбасары Әлихан Смайылов бірігіп брифинг өткізді. Олар Мемлекет басшысы Қасым-Жомарт Тоқаевтың тапсырмаларының жүзеге асуы туралы брифингте квазимемлекеттік сектордың сатып алулары, жаңадан құрылған стратегиялық жоспарлау агенттігінің қызметі, дәрігерлер мен мұғалімдердің жалақысы туралы айтты. Екі министр мен вице-премьердің мәлімдемелері мен журналист сұрақтарына жауабын   Strategy2050.kz тілшісінің материалынан оқи аласыздар.


ҚР Премьер-Министрінің бірінші орынбасары Әлихан Смайылов жаңадан құрылатын Стратегиялық жоспарлау және реформалар жөніндегі агенттік Ұлттық экономика министрлігінің кейбір жекелеген қызметтерімен айналысып, міндеттерін орындайтынын мәлімдеді.

Жаңа агенттік стратегиялық жоспарлау мәселелері бойынша қызметтер, мемлекеттік статистиканы дамыту, сонымен қатар мемлекеттік басқарудағы кейбір мәселелерді қарайтын агенттік болмақ. Жаңа ведомствоның қызметін қаржыландыру тиісті міндеттерді орындау үшін жұмсалатын қаражатты қайтадан бөлу арқылы жүргізіледі, - деді вице-премьер.

Әлихан Смайылов Мемлекет басшысының Жолдауында қойылған нақты шаралар дер кезінде жүзеге асырылуы тиіс екенін айтты. Жолдаудағы негізгі ауқымды тақырып, ол – Қазақстан экономикасының өу қарқыны, Бұл көрсеткіш 5 %-ға жетуі тиіс.  2021 жылы жалпы ішкі өнім 2,8 пайызға өсуі мүмкін.

Спикердің айтуынша, қазір мұнайдан келетін табыс қазір аз. Бұрын ел нарығын мұнай экспорты қамтамасыз ететін еді. Қазір өкінішке орай, мұнайдан түсім аз.

Мұнай саласында биылғы сегіз айдың қорытындысы бойынша өткен жылмен салыстырғанда ол әкелетін кіріс 46 %-ға азайды. Демек, 1,6 трлн теңгеден қағылдық. Соның ішінде былтырға қарағанда мұнайды экспорттауға кеден бажының көлемі 350 млрд теңгеге кем болды. Енді экономиканың басқа салаларын дамытуға күш жұмсауымыз керек. Тек мұнайға сенім артып отыра алмаймыз, - деді Премьер-министрдің орынбасары.
Оның сөзіне қарағанда, Мемлекет басшысының бұйрығымен халыққа және бизнеске қосымша көмек беру туралы нақты шаралар жасалып жатыр.  2021жылы жалпы ішкі өнім  2,8 %-ға өседі деп жоспарлап отыр Үкімет. Қазақстан экономикасының өрлеу қарқыны 5 %-ға жеткізу керек екен. 

 ҚР Ұлттық экономика министрі Руслан Дәленов оңтайландыру шаралары нәтижесінде мемлекеттік қызметкерлердің жалақысы өсетінін айтты.

Штаттың санды оңтайландыру ықшамдау мен бизнес-процестерді автоматтандырумен қатар жүреді. Сонымен қатар, бірқатар басқарушы буынды қысқарту ұсынылады. Өткен жылы төменгі лауазымдардың еңбекақысы 25 пайызға артқан еді. Шататтық санды оңтайландыру арқасында орташа есеппен еңбекақыны тағы 15 пайызға арттыру мүмкіндігі болады, - деді министр.
Мемлекеттік қызметкерлер санын және квазимемлекеттік сектор қызметкерлерін қысқарту бойынша олар осы жылдың соңына дейін - 10, келесі жылы тағы 15 пайызға қысқарады. Сонымен келесі жылдың соңына дейін олар 25 пайызға дейін қысқарады. Экономикада жеке сектордың көлемін кеңейту үшін жекешелендірудің 2025 жылға дейінгі жаңа жоспары қабылданады.

2021 жылдың бюджетінде Жолдаудағы Президент тапсырмаларын орындауға 1,6 трлн теңге қарастырылған. Бірінші кезекте медицина қызметкерлерінің, мұғалімдердің еңбекақысын көтеру, шағын және орта бизнестің несие бойынша пайыздық ставкасын субсидиялау, республикалық маңыздағы жолдардың құрылысы, «Ауыл – Ел бесігі» бағдарламасына, сондай-ақ басқа да бағыттарға арналған шығыстар ескерілген. Бұдан басқа тапсырмалар тұрғысында мемлекеттік органдармен шығыстар көлемі нақтыланып жатыр. Басты бюджеттік коэффициенттер мен ережелер, тиімділікті бағалау және бюджет саясатының тұрақтылығы жинағы әзірленетін болады. «Кеңейтілген бюджет» енгізу арқылы шоғырландырылған бюджетке бюджеттен тыс қорларды қосу жолымен мемлекеттік қаржыны кешенді бағалау енгізу жоспарланып отыр. Нәтижесінде бюджеттік жоспарлаудың жаңа тәсілдері мемлекеттік жоспарлау жүйесіндегі ұлттық басымдықтарды барынша толық жүзеге асыруды қамтамасыз етеді.

ҚР Қаржы министрі Ерұлан Жамаубаевтың айтуынша ол басқарып отырған министрлік квазимемлекеттік сектордың сатып алулары жөніндегі заң жобасын әзірлепті.

Квазимемлекеттік кәсіпорындардың қаражаты мемлекетке тиесілі, сондықтан бәріміз оны үнемдеуге тырысуымыз қажет. Қажетсіз артық шығындарды азайту керек. Сондықтан бұл сектордың сатып алу жүйесін мемлекеттік сатып алулар жүйесіне біріздендіріп, жақындату керек. Осы тұрғыда Қаржы министрлігі тиісті квазимемлекеттік сектордың сатып алулары жөніндегі заң жобасын әзірледі. Қазір заң жобасы Үкіметте қаралып жатыр. Егер Мәжіліс мақұлдаса, Сенатта Заң жобасы қабылданады, - деді министр.
Министрдің нақтылауынша, заң жобасы мемлекеттік сатып алудан ерекше . Себебі квазимемлекеттік секторда кәсіпорындар жұмыс істейді, өнеркәсіптер бар, ол жерде қаржылық әрі банктік операциялар бар. 
Мемлекеттік фукцияларға ұқсамайтын операциялар болғандықтан, заң жобасында ерекшеліктер ескерілген. Заң жобасының үш жаңашылдығы бар: біріншіден, квазимемлекеттік сектордың барлық субъектілеріне сатып алудың бірегей ережелерін орнату қамтылған. Екіншіден, квазимемлекеттік сектор субьектілерінің сатып алуларына қатысты мемлекеттік бақылауды күшейту және оларға қатысты әкімшілік жауапкершілікті орнату болады. Үшіншіден, сатып алудың барлық рәсімдерін 100% электронды тәсілге ауыстыру. Яғни шарттар электронды жасалады, жұмыстың орындалғаны туралы актілер сияқты құжаттың бәрі тек электронды түрде болады. Соның нәтижесінде цифрландыру жүйесі қалыптасады, - деді Е. Жамаубаев.
Президент тапсырмаларын орындауға бөлінген қаржының есебінен ауруханалар да салынады. 

Тез салынатын 13 жаңа инфекциялық аурухана салу үшін 30 млрд теңге қарастырылып отыр. Үкімет резервінен тұрмысы төмен, әлеуметтік осал топқа жататын отбасылардың балалары үшін компьютерлік техниканы сатып алуға 70 млрд теңге бөлінді. Медицина қызметкерлеріне қосымша үстемақы, дәрі-дәрмек сатып алу мен басқа да қажеттіліктер үшін қосымша қ 300 млрд теңге бөлінеді, - деді вице-премьер
 Зардап шеккен сектордағы шағын және орта бизнес үшін айналымнан жекелеген салық төлеу құқығы енгізіледі. Салық міндеттемелерінің орындалуын жеңілдету, салықтар мен төлемдер санын азайту мақсатында ұлттық заңнамаға толық тексеру жүргізіледі. Тексеру қазір жүріп жатыр.

    Фото: wfin.kz

Барлық жаңалықтар