Президент тапсырмаларының заңда көрініс табуы маңызды -М.Бахтиярұлы

28 Мамыр, 2020 11:49

Ел Президентінің қатысуымен Ұлттық қоғамдық сенім кеңесінің үшінші отырысы өтті. Бұл басқосу, негізінен, денсаулық сақтау мен білім беру саласының мәселелеріне арналды. Жиында Мемлекет басшысы осы аталған салаларды одан әрі реформалау бойынша нақты ұстанымдарын жария етті. Кеңес мүшелері де өз ойларын ортаға салып, пікірлерімен бөлісті, деді Сенат депутаты Мұрат Бахтиярұлы.



“Ұлттық қоғамдық сенім кеңесі қоғамдағы өзекті мәселелерді уақтылы көтеруімен ерекшеленіп келеді. Бұл Президент айтқан «халық үніне құлақ асатын мемлекет» тұжырымдамасының іске асып отырғанының көрінісі. Себебі, қоғамдық мәселелердің көшеде емес, осындай кеңесте дер кезінде талқыланып, шешімдердің ұсынылуы өте маңызды деп есептеймін”, - еді ол. 

Депутаттың айтуынша, Президенттің нақты тапсырмалары заң нормаларында көрініс табуы керек. 

“Сондықтан биыл Парламентке осы аталған мәселелерді қамтитын бірнеше заң жобасы келіп түсуі мүмкін. Мысалы, білім саласына қатысты, оның ішінде ЖОО мұғалімдерінің жалақысын, педагогикалық мамандықтар бойынша білім алатын студенттердің шәкіртақысын көтеруге байланысты заңдар әзірленуі мүмкін.Қазірдің өзінде Мәжіліске ғылым мәселелері бойынша заңнамалық актілерге өзгерістер мен толықтырулар енгізуді көздейтін заң жобасы келіп түсті. Сондықтан, Президенттің көтерген бастамалары мен берген тапсырмаларының заң нормаларымен бекітілуі аса маңызды”, - деді ол. 


Барлық жаңалықтар