Прездент тапсырмасы: Полиция департаменттеріндегі жедел-тергеу топтарына тергеуші әйелдер енгізілді
Мемлекет басшысы Қасым-Жомарт Тоқаев Ұлттық қоғамдық сенім кеңесінің отырысында әйелдер мен балаларға қарсы жасалған зорлық-зомбылық қылмыстарды тергейтін топтардың құрамына тергеуші әйелдерді енгізу керегін атқан еді. Президентті бұл тапсырмасы қалай орындалып жатқаны жөнінде мемлекет басшысының баспасөз хатшысы Берік Уәли Фэйсбук парақшасында жазды, деп хабарлады Strategy2050.kz.
«Әйелдер мен балаларға қарсы жасалған зорлық-зомбылық қылмыстарды тергейтін топтардың құрамына тергеуші әйелдерді енгізу керек. Бұл жәбірленушіге қатысты теріс әрі жөнсіз әрекеттердің алдын алуға мүмкіндік береді», - деді прездент.
Орындалды:
- Полиция департаменттерінде тұрақты жұмыс істейтін жедел-тергеу топтары құрылды. Олардың құрамына тергеуші әйелдер енгізілді.
- Әйелдер мен кәмелетке толмағандарға қатысты жасалған жыныстық қылмыстарды ашу және тергеу жөніндегі осындай топтардың жұмысын ұйымдастыру туралы ереже бекітілді.
- Жеке адамға қарсы қылмыстарды тергеу жөніндегі қалалық және аудандық басқармалардың, сондай-ақ, полиция департаменттері тергеу басқармаларының бөлімшелерінде әйелдер мен кәмелетке толмағандарға қатысты зорлық-зомбылық (жыныстық) қылмыстарды тергеу топтары құрылды. Олардың құрамына тергеуші әйелдер енгізілді.
