Парламент Мәжілісі төрағасы сайланды
Бүгін Парламент Мәжілісінің жалпы отырысында депутаттар Парламент Мәжілісінің төрағасы етіп Нұрлан Нығматулинді екінші рет сайлады, деп хабарлады Strategy2050.kz тілшісі.
Бұған дейін жасырын дауыс берілген еді. 20 минуттан кейін Мәжіліс депутаты, санақ комиссиясының төрағасы Мұхтар Ерман жасырын дауыс берудің нәтижесін жария етті.
Нәтиже бойынша, халық қалаулылары Парламент Мәжілісінің төрағасы етіп Нұрлан Нығматулинді екінші рет сайлады. Өз кезегінде сөз алған Нұрлан Нығматулин әріптестеріне алғыс айтып, бұл өзіне артылған үлкен жауапкершілік екенін атап өтті.
"Біріншіден, бұл мен үшін өте үлкен жауапкершілік. Сондықтан әрқашан да елбасы Нұрсұлтан Назарбаев пен президент Қасым-Жомарт Кемелұлы Тоқаевтың өзіме жүктеген міндеттерін жоғары деңгейде орындау үшін сіздердің және біздің сайлаушылардың сенімдерін ақтау үшін бар біліммім мен жинаған тәжірибемді жұмсайтын боламын", - деді Нығматулин.
Содан соң депутаттар күн тәртібіндегі келесі мәселе Мәжіліс төрағасының орынбасарларын сайлауға көшті.
Еске салайық, бүгінгі мәжіліс отырысында жаңадан сайланған халық қалаулылары ант берді.
