Парламент Мәжілісі депутаттына ҚХА кандидаттарына дауыс беру нәтижесі жарияланды
Қазақстан халқы Ассамблеясының XXVIII сессиясында Нұр-Сұлтан қалалық сайлау комиссиясы дауыс беру нәтижесін жариялады, деп хабарлайды ҚазАқпарат.
Белгілі болғандай, дауыс беруге қатысқан ҚХА мүшелерінің жалпы саны - 351 адам.
Мәжіліс депутаты кандидаттарына берілген бюллетеньдер: Сауытбек Абдрахмановқа - 298, Аветик Амирханянға - 270, Ильяс Буларовқа - 274, Наталья Дементьеваға - 292, Юрий Лиге - 282, Вакиль Набиевке - 285, Шамиль Осинге - 271, Владимир Тохтасуновқа - 277, Абилфас Хамедовға 290 дауысқа ие болды.
Бүгін түске дейін кандидаттарды сайлау аяқталды.
Дауыс беруге ҚР Тұңғыш Президенті – Елбасы, Қазақстан халқы Ассамблеясының Төрағасы Нұрсұлтан Назарбаев, ҚР Президенті Қасым-Жомарт Тоқаев және ҚХА мүшелері қатысты.
Бұдан бұрын хабарланғандай, «Қазақстан Республикасындағы сайлау туралы» ҚР Конституциялық Заңына және «Қазақстан халқы Ассамблеясы туралы» ҚР Заңына сәйкес, 2020 жылғы 11 желтоқсанда Қазақстан халқы Ассамблеясы Кеңесі ҚР Парламенті Мәжілісінің депутаттығына Қазақстан халқы Ассамблеясынан сайланатын 9 үміткерді ұсынды.
