Қостанай облысы теміржолшылары әріптестері үшін көп рет қолданылатын маскалар тігуде

1 Сәуір, 2020 12:49

Қостанай облысында «ҚТЖ» ҰК» АҚ құрылымдық бөлімшелерінің 19 қызметкері және олардың жақын туыстары коронавирус індетінен тыныс алу органдарын қорғау үшін 1000 астам көп рет қолданылатын маскалар тікті, деп хабарлады Strategy2050.kz "ҚТЖ" АҚ баспасөз қызметіне сілтеме жасай отырып.

Вагон тексеруші, жөндеу жөніндегі слесарь, тауарлық есепші және өзгелері тігінші болып мамандығын өзгертті. Игілікті істе олардың отбасы мүшелері: әйелдері мен балалары көмекке келді.

“ COVID -19 коронавирус індеті пандемиясы мен медициналық маскалардың жетіспеушілігі кезеңінде біз өз қолымызбен тігуді шештік. Маскаларды әзірлеу үшін қажетті материалдармен: матамен, резинкамен, жіппен қамтамасыз еткен бөлімшенің кәсіподақ комитетінің төрағасы Нұрлан Орынбековке рахмет. Бұл біздің, теміржолшылардың пандемиямен күреске қосқан үлесіміз, біз сырт қала алмадық”, - дейді Қостанай ЖТ Железнорудная ӨТБ вагон тексеруші-жөндеушісі Батырбек Атантаев.

Теміржолшылар өз өнімдерін осындай күрделі кезенде еліміз бойынша жұмыс орындарында қалған әріптестеріне таратуда. Олардың әзірлеген маскалары ауру жұқтырудың алдын алуда тамаша кедергі екендігі атап өтілуде. Маскаларды зарарсыздандыруға және де үтіктеуге болады. Жалпы, Қостанай ЖТ бөлімшесінде жұқпалы аурудың алдын алу жөніндегі санитарлық-эпидемияғақарсы шаралар қабылданған. Барлық ғимараттарда дезинфекциялау жүргізіліп, маскалық режим енгізіліп, қолды зарарсыздандыру үшін антисептикалық құралдары бар диспенсерлер орнатылған.

Барлық жаңалықтар