• Басты
  • Нұрлы жол: Ақылы жолдардың үлесі 45 пайызға дейін ұлғаяды
21 Сәуір, 2020 09:44

Нұрлы жол: Ақылы жолдардың үлесі 45 пайызға дейін ұлғаяды

Өткен жылғы 31 желтоқсанда Үкіметтің қаулысымен 2020-2025 жылдарға арналған «Нұрлы жол» инфрақұрылымды дамыту мемлекеттік бағдарламасы бекітілген болатын. Биыл бағдарлама қалай жүзеге асырылатыны туралы Үкімет отырысында Индустрия және инфрақұрылымдық  даму министрі Бейбіт Атамқұлов айтып берді, деп хабарлады Strategy2050.kz тілшісі.
Нұрлы жол: Ақылы жолдардың үлесі 45 пайызға дейін ұлғаяды
«Мемлекеттік бағдарламада жалпы сомасы 5,5 трлн теңгені құрайтын 112 инфрақұрылымдық жобаны жүзеге асыру қарастырылған. 2025 жылға дейін стратегиялық жоспарға сәйкес көлік инфрақұрылымына қатысты негізгі индикаторлар қарастырылған. Бағдарлама аясында алдағы 6 жылда 10 мың шақырым жолдың құрылысы мен қайта жөнделуі, республикалық желідегі 11 мың шақырым автомобиль жолын күрделі әрі орташа жөндеу жоспарланған. Автожол саласын қаржыландырудың жалпы көлемі - 3,5 трлн теңгені құрайды. Республикалық маңызы бар автожолдардың жақсы және қанағаттанарлық жағдайдағы үлесі 100 пайызға жеткізіледі. 1-2 техникалық санаттағы жолдардың ұзындығы 60 пайызға, ақылы жолдардың үлесі 45 пайызға дейін ұлғаяды. Жол бойындағы сервис нысандарымен 100 пайызға қамтамасыз етіледі», - деді Б.Атамқұлов.

Сонымен қатар, министр 2020 жылы жаңа бағдарламаны іске асырудың алғашқы жылы екенін атап өтті.

«Бүгінгі таңда автомобиль жолдарының жалпы ұзындығы 95 мың шақырымды құрайды. Оның ішінде республикалық желі 24, 7 мың шақырым, оның 88 пайызы немесе 21,7 мың шақырымы жақсы не қанағаттанарлық күйде. Жергілікті желі 70,9 мың шақырымды құрайды. Жақсы не қанағаттанарлық жағдайы 71 пайызды құрап отыр. Биыл жөндеу жұмыстарымен 9,5 мың шақырым жол қамтылады. Автожол саласының 2020 жылға арналған бюджеті 680 млрд теңгені құрайды. Оның ішінде республикалық желі - 421 млрд теіге, жергілікті желі - 259 млрд теңге. Республикалық желі бойынша 4 мың шақырым автожол қамтылады. Күррделі және орта жөндеу жұмыстарымен 1,5 мың шақырым жол қамтылады», - деді министр.

Аягөз Құрмаш 

Фото: ашық дереккөз

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды