• Басты
  • Нұр-Сұлтаннан Си Цзиньпиннің отанына әуебағыты ашылды
6 Қаңтар, 2020 11:37

Нұр-Сұлтаннан Си Цзиньпиннің отанына әуебағыты ашылды

"Scat” әуекомпаниясы дүйсенбі және жұма күндері Нұр-Сұлтаннан Сианьға қатынайтын әуебағытты ашты, деп хабарлады Strategy2050.kz тілшісі.

Нұр-Сұлтаннан Си Цзиньпиннің отанына  әуебағыты ашылды

Жаңа бағыт бойынша алғашқы рейс 30 желтоқсан күні жүзеге асырылды.Ұшу уақыты 5 сағатты құрайды. Ұшу Boeing-737 әуекемесі арқылы жүзеге асырылады. 

"Scat” әуекомпаниясының жерде қызмет көрсету кешенінің директоры Дәулет Хамзин бір бағытқа ұшудың билет құны 70 мыңнан басталатынын айтты.

"Бұл әуебағыты арқылы қазақстандықтар Қытайдың тарихи қаласымен танысып, Терракот әскерін тамашалай алады. Сондай-ақ, рейстер ел ішіндегі қалаларда тоғысуы арқылы ұшады. Мәселен,Тараз,Өскемен,Семей,Ақтау қалалары арқылы рейстер тоғысады. Бұл бизнес өкілдері үшін де,тұрғындар үшін де ыңғайлы болмақ",-деді ол.

photo5231093901526412428.jpg

Өз кезегінде ҚХР-дың Қазақстандағы елшісі Чжан Сяо аталған әуебағытының ашылуы екі ел арасындағы туристік ахуалды арттыратынын айтты.

"Қытай мен Қазақстан арасын жалғайтын тағы бір көпір ашылды. Осыған дейін Нұр-Сұлтан-Пекин,Алматы-Нұр-Сұлтан,Үрімшіге әуекемелері ұшатынын білеміз.Сиань қаласы Қытайдың көне,тарихи қаласы. Бұл қала ҚХР Төрағасы Си Цзиньпиннің отаны екенін де айта кету керек. Сондай-ақ,Сиань қаласы қазақстандық бизнес өкілдері үшін де маңызды, жекешелік және әріптестік саласына да ерекше тартымды. Сондықтан да бұл бағыт сұранысқа ие болады деп ойлаймын",-деді ол.

Айта кетейік,”Scat” әуекомпаниясы қазақстандық нарықта 22 жыл жұмыс істеп келеді. Бүгінгі таңда компания 50 ішкі,25 халықаралық рейстерді жүзеге асырады.

Аягөз Құрмаш

Барлық жаңалықтар
66.249.70.64, 192.168.88.100