• Басты
  • Нұр-Сұлтанда Әкімшілік рәсімдік-іс жүргізу кодексінің жобасы таныстырылды
25 Қыркүйек, 2019 15:44

Нұр-Сұлтанда Әкімшілік рәсімдік-іс жүргізу кодексінің жобасы таныстырылды

ҚР Әділет министрлігі Жоғарғы Сотпен бірлесіп Әкімшілік рәсімдік-іс жүргізу кодексінің жобасын әзірледі. Жобаның таныстырылымын   ҚР Әділет министрі Марат Бекетаев жасады, деп хабарлады Strategy2050.kz. 
Нұр-Сұлтанда Әкімшілік рәсімдік-іс жүргізу кодексінің жобасы таныстырылды
«Алдымен, азаматтарға басқарушылық шешімдерді қабылдау процесіне белсенді қатысуға мүмкіндік беретін кепілдіктер жиынтығын бекіту. Екіншіден, жоғары тұрған орган мен сотта билік органдары дауларды қарау кезінде азаматтардың құқықтарын қорғаудың тиімді тетіктерін белгілеу. Мемлекеттік бақылау мен қадағалау нәтижелері, мемлекеттік қызметтер көрсету, рұқсат беру және хабарлама рәсімдері, оларға дау айту және т. б. бұған мысал бола алады», - деді министр.

Егер мемлекеттік емес субъекті азаматтардың құқықтарын іске асыруға бағытталған шешімдер қабылдауға уәкілетті болса, онда ол Кодекстің жобасында белгіленген кепілдіктерді сақтауға міндетті болады.

«Мысалы, табиғи монополиялар субъектілері азаматтарға қызмет көрсетуге міндетті екеніне қарамастан, олардың шешімдеріне «Әкімшілік рәсімдер туралы» Заңда белгіленген тәртіппен шағымдануға болмайды, себебі табиғи монополиялар субъектілері мемлекеттік органдар болып табылмайды», - деді министр.

Кодекс қолданысқа енгізілген жағдайда оның ережелері, егер ол азаматтардың құқықтарын іске асырумен байланысты болса, мемлекеттік және мемлекеттік емес субъектілердің кез келген қызметіне қолданылатын болады.

Айта кетейік, ҚР Президенті Қасым-Жомарт Тоқаев азаматтардың сын-ескертпелері мен сындарлы ұсыныстарына жедел ден қоюға қабілетті «Халық үніне құлақ асатын мемлекет» тұжырымдамасына көшу қажеттігін атап өткен болатын.

Аягөз Құрмаш 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды