• Басты
  • Мемлекеттік грант бойынша байқауға өтінімдерді қабылдау мерзімі ұзартылды
10 Сәуір, 2020 09:39

Мемлекеттік грант бойынша байқауға өтінімдерді қабылдау мерзімі ұзартылды

Нұр-Сұлтан, Алматы қалаларында және елдің өзге де аймақтарында ерекше режимнің 13 сәуіріне дейін ұзартылуына байланысты «Азаматтық бастамаларды қолдау орталығы» КЕАҚ үкіметтік емес ұйымдарға грант ұсыну Жоспарының негізінде 2020 жылдың 5 наурыз күні жарияланған конкурсқа қатысу үшін үкіметтік емес ұйымдардан өтініш қабылдау мерзімі 2020 жылдың 17 сәуіріне дейін қайта ұзартты, деп хабарлады Strategy2050.kz орталықтың баспасөз қызметіне сілтеме жасай отырып.

Мемлекеттік грант бойынша байқауға өтінімдерді қабылдау мерзімі ұзартылды
«Орталық конкурсқа қатысуға өтініштер қабылдауды 2020 жылдың 17 сәуірінде аяқтайды. Көрсетілген мерзімнен кеш келіп түскен ақпараттар мен құжаттар есептелмейді және қарастырылмайды.Сонымен қатар, Орталықпен өтінімдердің қағаз нұсқасын қабылдау келесі мекен-жай арқылы 2020 жылғы 13 сәуірден бастап жүзеге асырылатындығын мәлімдейміз»,- делінген хабарламада.

Конкурсқа қатысу үшін өтінімдеріңізді жасақтау барысында Қазақстан Республикасы Мәдениет және спорт министрінің 2015 жылғы 25 желтоқсандағы №413 Бұйрығымен бекітілген Үкіметтік емес ұйымдарға арналған гранттар беру және олардың іске асырылуына мониторингті жүзеге асыру Қағидаларының талаптарымен мұқият танысуларыңызды және Қағиданың келесі талаптарына сәйкес келуін тексерулеріңізді сұраймыз:

  Үкіметтік емес ұйымдардың дерекқорында үкіметтік емес ұйым туралы ақпараттың болуын:

1. Грант жоспарына, нақтырақ айтқанда, жобаның тақырыбы, мақсаты, міндеттері, қаражаты, территориялық аумағы, күтілетін нәтижелеріне сәйкес келуіне;

2. Грант тақырыбының Жарғыға сәйкес өтінім беруші қызметінің мәніне, мақсаты мен түрлеріне сәйкес келуін;

3. Қағиданың 10 тармағына сәйкес келуін:

Конкурсқа қатысу үшін өтініш беруші өтінімдерді қабылдаудың аяқталу күні мен уақытынан кешіктірмей, операторға пошталық байланыс арқылы және (немесе) қолма-қол және (немесе) веб-портал арқылы қағаз және электрондық жеткізгіштерде келесі құжаттарды қамтитын мемлекеттік және (немесе) орыс тілдеріндегі өтінімді енгізеді:

1)  Қағидаларға 1-қосымшаға cәйкес нысан бойынша үкіметтік емес ұйымдарға грантты беруге арналған конкурсқа қатысуға өтініш;

2) Қағидаларға 2-қосымшаға сәйкес нысан бойынша өтініш берушінің сауалнамасы;

3) Қағидаларға 3-қосымшаға сәйкес нысан бойынша өтініш берушінің әлеуеті туралы мәліметтер;

4) Қағидаларға 4-қосымшаға сәйкес нысан бойынша ұсынылып отырған әлеуметтік жобаның және (немесе) әлеуметтік бағдарламаның мазмұны;

 5) Қағидаларға 5-қосымшаға сәйкес нысан бойынша әлеуметтік жоба және (немесе) әлеуметтік бағдарлама барысында материалдық-техникалық қамтамасыз етуге болжамды шығыстар сомасын көрсету арқылы (әлеуметтік жобаның және (немесе) әлеуметтік бағдарламаның сомасына белгіленген пайыздар шеңберінде) әлеуметтік жобаны және (немесе) әлеуметтік бағдарламаны іске асыру бойынша шығындар сметасы. Материалдық-техникалық қамтамасыз ету деп грантты іске асырумен тікелей байланысты емес және ұйымды дамытуға бағытталған тауарларды, жұмыстар мен көрсетілетін қызметтерді сатып алу ұғынылады;

 6) ұйым жарғысының көшірмесі;

7) соңғы есеп күніне ұйымның бухгалтерлік балансы;

8) ұсынылған әлеуметтік жоба және (немесе) әлеуметтік бағдарламада көрсетілген әріптестер және (немесе) тартылатын мамандардың келісімі;

 9) өтiнiм берушiнiң өз салымының немесе әлеуметтiк жоба және (немесе) әлеуметтiк бағдарламаны қаржыландырудың өзге де көздерiнiң болуын растайтын құжаттар.

Өтінімдерді пошта байланысы арқылы және (немесе) қолма-қол енгізер кезде құжаттар тігіледі және өтінім берушінің бірінші басшысының не оның орынбасарының қолы қойылып, мөрмен (болған жағдайда) бекітіледі.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды