Мемлекет басшысының ұсыныстары – уақыт талабы-депутат

28 Мамыр, 2020 12:15
Мемлекет басшысы Ұлттық қоғамдық сенім кеңесінің үшінші отырысында адами капиталды дамытуға арналған бірқатар маңызды мәселелерді көтерді. Соған байланысты нақты тапсырмалар берді. Мұндай формат елімізде қоғамдық диалогтың ұлттық моделі қалыптасып келе жатқанын көрсетеді, деп пікірін  Сенат депутаты Айгүл Қапбарова білдірді. 

Отырыс барысында Ұлттық кеңес мүшелері де құнды пікірлерін білдіріп, ұсыныстарын ортаға салды.

“Әлем қазіргі таңда жұқпалы індетпен күресте биологиялық қауіпсіздік мәселесіне айрықша мән беріп отыр. Президент осыған байланысты еліміздің биологиялық қауіпсіздігін қамтамасыз ету үшін заң қабылдау керек екенін атап өтті. Медицина, білім беру салаларында да бірқатар түбегейлі реформаларды іске асыру қажеттігі туындап отырғанын айтты. Сондықтан, Мемлекет басшысының бүгінгі ұсыныстарын заман талабына сай деп есептеймін”,- деді ол. 

Барлық жаңалықтар