21 Қараша, 2019 09:38

Мәскеуде қазақстандық Ауған соғысы ардагерлері марапатталды

20 қарашада Қазақстанның Ресейдегі Елшілігінде Ресей Федерациясы Қорғаныс министрлігінің мұрағатынан алынған және Ресей Федерациясының Президенті Әкімшілігінің мемлекеттік наградалар бөлімі елшілікке тапсырған Ауғанстандағы соғыс ардагерлеріне "Ерлігі үшін" және "Жауынгерлік қызметі үшін" марапаттарын тапсыру салатанаты өтті.

"Адамзат тарихында кез-келген соғыс – үлкен қасірет. Бұл орны толмас қайғы, бірақ, сонымен бірге әр соғыста батырлық, батылдық пен ерлікке орын бар. Бүгін бұл марапат өз қаһармандарын тапты", - деді Қазақстанның Ресейдегі елшісі Иманғали Тасмағамбетов іс-шараға қатысушыларды құттықтай отырып.

Бүгін Бауыржан Мұхаметжаров осы күнге жете алмаған атасы Қайырболатқа тиісті награданы алды.

"Қазақстанның Ресейдегі елшілігінің, Ауғанстан ардагерлерінің одағының күшімен біз көптен күткен марапатқа ие болдық. Бұл бірлесе атқарған жұамыстардың жемісі. Енді бұл медаль біздің отбасымыз үшін қастерлі болады. Әкемді көрмедім, бірақ оның ерлігі маған әрқашан үлгі болды. Мен оны мақтан тұтамын", - деді Бауыржан өз эмоциясымен бөлісіп.

Марапаттау рәсіміне Кеңес Одағының Батыры, Ингушетияның тұңғыш президенті генерал-лейтенант Руслан Аушев қатысты. Ол көптеген жылдар бойы Ауған соғысының шындығы ұмытылмауы үшін көптеген жылдар бойы аянбай еңбек етіп келеді.

Рәсімге сондай-ақ Қазақстан Республикасы Парламенті Мәжілісінің депутаты Бақытбек Смағұл, Қазақстандағы Ауғанстан ардагерлері одағының төрағасы Шәріпбай Өтегенов, сонымен қатар Ауған соғысының ардагерлері қатысты. Шара барысында қазақстандық ардагерлер «Белгісіз солдат қабіріне» гүл шоқтарын қойды, Жеңіс музейлерін аралап, қарулас серіктерімен кездесті.

Бүгін Александр Кашин, Берікбол Кулов, Көшкелді Омаров, Талғат Сахов, Жұмахан Шоңғараев, Әлім Жұматаев, Бауыржан Мұхаметжаров тиесілі марапаттарын қабылдап алды.

Сонымен қатар, Мәскеуге сапар барысында бірнеше қазақстандық ардагерге емдеу шаралары ұйымдастырылды. Осы қолдаудың арқасында олардың көру қабілеті жақсарды.

ҰСЫНЫЛАДЫ

Барлық жаңалықтар

дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды