18 Қыркүйек, 2019 17:40

МӘМС: Қазақстандықтар тіркелетін емханасын өзі таңдай алады

«Әлеуметтік медициналық сақтандыру қоры» коммерциялық емес сақтандыру қоры ТМККК және МӘМС шеңберінде көрсетілетін қызметтерді сатып алу қағидаларына сәйкес 2019 жылғы 15 қыркүйектен 15 қарашаға дейін емханаларда тіркелу науқаны басталатындығын мәлімдеді.

Қордың мәліметінше науқан тек ТМККК шегінде және МӘМС жүйесінде медициналық көрсетілетін қызметтерді көрсетуге үміткер Денсаулық сақтау субъектілерінің деректер қорында тіркелген денсаулық сақтау ұйымдары арасында ғана өткізілмек. Азаматтар «Электрондық үкімет» веб-порталы арқылы медициналық-санитариялық алғашқы көмек көрсету ұйымдарына тіркелу туралы өтініш бере алады.

2020 жылдан бастап Қазақстанда міндетті әлеуметтік медициналық сақтандыру жүйесі мен кепілдендірілген медициналық көмек шеңберінде қызметтер көрсетіле бастайтындықтан 15 қыркүйектен бастап 15 қарашаға дейін қазақстандықтар емханаға тіркелуі қажет. Жыл басынан бері емханаға тіркеу eGov электронды үкімет веб-порталы арқылы электронды цифрлық қолтаңбаны қолданып жүргізіледі.

«Бастапқы медициналық-санитарлық көмек беретін халықты тіркеумен айналысатын емханалар мен клиникалар – кепілдендірілген медициналық көмек пакеті бойынша қызмет көрсететін болады. Оған: учаскелік терапевт, педиатр, жалпы практика дәрігері, фельдшер, тіркелген емханадағы медбике сынды мамандар қызметі кіреді. Ол мамандар мынадай қызметтерді: профилактикалық екпелер мен скринингтер, жүкті әйелдер мен бір жасқа дейінгі балаларды дәрігерлік бақылау, созылмалы аурулар (25 топ бойынша) әлеуметтік маңызы бар ауруларды (онкология, туберкулез, ВИЧ, психикалық аурулар) динамикалық бақылау сынды медициналық қызмет түрлерін көрсетеді», - дейді «Әлеуметтік медициналық сақтандыру қоры» КЕАҚ Түркістан облысы бойынша филиалының директоры Асхат Бейсенбаев.

Дегенмен, міндетті әлеуметтік сақтандыруға қатыспайтын қазақстандықтар, Қазақстанға уақытша тұруға келген шетелдіктер, туристер шұғыл медициналық көмек ала алады, терапевке қаралып (созылмалы ауру асқынғанда), диагностикалық көмек, соның ішінде лабороторлық дигностикалық қызмет ала алады. Сондай-ақ қазақстандықтар мамандардан салауатты өмір салты, репродуктивтік денсаулық мәселелеріне қатысты кеңес алуына мүмкіндігі бар.

Ал міндетті әлеуметтік медициналық сақтандыруға қатысатын азаматтар көмектің екінші деңгейін ала алады. Оған: операциялар, сирек медициналық қызмет түрлері, салалық мамандардың қабылдауы секілді медициналық қызметтер кіреді.

Осы жылғы емханаға тіркелу науқанында айтарлықтай өзгерістер бар көрінеді. Осы орайда нормативтік базаға өзгерістер енгізіліп, отбасылық принципке басымдық беріледі. Ол бойынша, ата-анасы да, балалары да бір емханаға тіркелгені жөн болып саналады. 18 жасқа толмаған азаматтар болса, оларды заңды өкілі ғана тіркеу мүмкіндігіне ие. Тұрғындар кез-келген медициналық мекемеде тіркелуге мүмкіндігі бар. Алайда бастапқы медициналық-санитарлық көмек көрсететін мекеме жүктемесі шектен асып кеткен жағдайда мекеменің өзі қызмет көрсететін аймақтан тыс жерде тұратын азаматтарды тіркеуден бас тартуы мүмкін.

Қазақстандықтар емханаға тіркелуге қатысты мәліметтерді жалпы тәжірибедегі емдеуші дәрігерден, міндетті әлеуметтік медициналық сақтандыру fms.kz ресми сайтынан немесе 1406 бірыңғай байланыс орталығынан біле алады.

Egov.kz порталы арқылы емханаға тіркелу кезінде электронды цифрлық қолтаңбаңыз арқылы «Денсаулық сақтау» бөлімін таңдап, одан кейін «Медициналық көмек - қызметтер», «Алғашқы медициналық –санитарлық көмек көрсететін медициналық ұйымға тіркелу» - «Қызметке онлайн тапсырыс беру» батырмасын басып, электронды форманы толтырып, сұраным жіберу керек. Нәтижесінде пайдаланушы пациент емханаға бір күнде тіркеле алады. Тіркелу кезінде тұрғын ең алдымен, қызметті көрсететін компаниялар тізімінен тиісті емханасын таңдауы тиіс. Мамандардың сөзінше, денсаулық сақтау саласындағы маңызды мәселенің бірі – бастапқы медициналық-санитарлық көмектің рөлін күшейтіп, халықты жақын маңдағы қолжетімді учаскелермен, жалпы практика дәрігерімен қамтамасыз ету.

"Әлеуметтік медициналық сақтандыру қоры" КЕАҚ қазақстандықтарға тіркелу науқаны аяқталмастан бұрын емханаға тіркелген-тіркелмегеніңізді анықтап қоюға кеңес береді. Айлада жедел көмек көрсету жағдайлары туындаған кезде науқас кез-келген емханадан, оған тіркелмей-ақ, қызмет алу мүмкіндігіне ие. Көші-қон немесе басқа да себептермен мекенжай ауысқан кезде науқаннан тыс, кез-келген уақытта азаматтар емханасын ауыстыра алады. Жалпы емдеу мекемесі қайта құрылса немесе Қормен келісімшартты бұзған жағдайда жылына бір рет басқа емдеу мекемесіне тіркелуге болады.

Айдана Абдрахманова

ҰСЫНЫЛАДЫ

Барлық жаңалықтар

дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды