• Басты
  • Ұлытау – өңірдегі туризмді дамытудың негізі болады
10 Қаңтар, 2020 15:16

Ұлытау – өңірдегі туризмді дамытудың негізі болады

Қазақстан Республикасы Парламенті Сенатының депутаты Сергей Ершов жұмыс бабындағы сапармен Қарағанды облысының Жезқазған және Сәтбаев қалаларында болып, облыстық және қалалық мәслихат депутаттарымен кездесті. Сенатор кездесу барысында Парламент қабылдаған заң ережелері мен азаматтардың әл-ауқатын жақсарту жөніндегі мемлекет қабылдаған шараларды түсіндірді.

Ұлытау – өңірдегі туризмді дамытудың негізі болады

2020 жылға арналған республикалық бюджеттің көрсеткіштері, әлеуметтік төлемдер, мемлекеттік арнайы жәрдемақылар, кепілдік берілген әлеуметтік топтама және атаулы әлеуметтік көмек, міндетті медициналық сақтандыру, сондай-ақ тұрғын үй қорын басқарудың жаңа үлгісі мәселелері талқыланды. 

С.Ершов 2019 жылы халықтың әл-ауқатын арттыруға, оның ішінде аз қамтылған және көп балалы отбасыларға мемлекеттік қолдау көрсетуге арналған әлеуметтік мәселелерге ерекше назар аударылғанын атап өтті.

Депутат сапар аясында Жезқазған қаласының аурухана қалашығында болып, 900 орындық мектеп құрылысының барысымен танысты, Кеңгір кентінде жаңартылатын энергия көздерінен электр энергиясын өндіретін «Кaz green energy» кәсіпорнында болды.

Сәтбаев қаласының «Қамқор» әлеуметтік қолдау орталығының басшылығы мен ұжымымен кездесу барысында депутат «құлақ асатын мемлекет» тұжырымдамасы мен Мемлекет басшысының Қазақстан халқына Жолдауын жүзеге асыру үшін қабылданып жатқан шаралар туралы хабардар етті. Сергей Ершов жастар саясатын қолдау шараларына тоқталып, Сенат жанында Жастар кеңесін құру жоспарланып отырғанын айтты.

Кездесуге қатысушылар өз кезегінде облыстағы өзекті мәселелерді көтерді, өйткені, қалада ауыз суға байланысты проблема бар, сондықтан жаңа су құбырының құрылысын қарастыру қажет болып отыр. Облыстың шаруа қожалықтарында субсидия алу мәселелері туындағаны жайында айтылды.

IMG_5122.JPG

С.Ершов Ұлытау ауданында зейнеткерлерді қабылдады. 

Аудандық мәслихат депутаттарымен кездесуде сенатор өңірдегі туризмді дамыту, «Ауыл – ел бесігі» арнайы жобасын жүзеге асыру, тарихи-мәдени мұра нысандарын қорғау және пайдалану, сондай-ақ көп балалы және аз қамтылған отбасыларды мемлекеттік қолдау қажеттігі туралы сөз қозғады.

Сенатор сондай-ақ Ұлытау ауданындағы туризмді дамытудың негізі болатын туристік сапар орталығының құрылысымен танысты.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды