Әлемде баламасы жоқ заңгерлерді іздеуге арналған мобильді қосымша нарыққа шықты

Елімізде заңгерлер, қорғаушылар мен юристерді іздеуге арналған отандық мобильді қосымша нарыққа шықты. Жұмыс істеп жатқанына үш айдан асса да, “Zan.bar” қосымшасының бүгінде 3 мыңнан астам қолданушысы бар. Аталмыш жоба директоры Самал Абаеваның сөзінше, қосымша заңгерлерді сапаға жұмыс істеуге ынталандырады, өйткені заңгердің қызметін пайдаланушылар қосымшада өздерінің пікірімен бөліседі. Ал көп жақсы пікір жинаған заңгерге қолданушылардың сенімі арта түспек. Жоба басшысының айтуынша, бұл заң саласы мамандарының арасында бәсекелестікті тудырады. Сонымен қоса Самал Абаева қосымша қалай істейді, қалай тіркелуге болады, заң саласының мамандарын тіркеу үшін қандай критерийлері бар, сонымен қоса қосымшаны жетілдіру мақсатында жасалып жатқан шаралар туралы Strategy2050.kz тілшісіне айтып берді.