14 Шілде, 2020 12:09
Үкіметте 42500 теңге қалай берілетінін айтты
ҚР
Президенті Қ.Тоқаев карантин шаралары тағы екі аптаға созылуына орай мұқтаж
азаматтарға 42 500 теңге көлемінде жәрдемақы берілетінін айтқан болатын. Осы тапсырмаға сәйкес Үкімет басшысы Асқар Мамин Үкіметте шешім шығарып, жауапты министрліктерге тапсырма берді, деп хабарлайды Strategy2050.kz тілшісі.
Үкімет басшысы Асқар Мамин бұл жәрдемақының қалай берілетіні туралы айтты.
Дәл қазір біз карантин уақытында табысынан айырылған азаматтарға 42 500 теңге көлемінде әлеуметтік жәрдемақы тағайындау туралы шешім қабылдап жатырмыз. Төлем карантинге байланысты табысынан айырылған жұмыс берушілердің, жеке кәсіпкерлер мен өзін өзі жұмыспен қамтушылардың жолдаған өтінімдеріне сәйкес жүргізіледі, - деді Мамин.
Премьер-министр Еңбек және әлеуметтік қорғау министрлігіне төтенше жағдай кезіндегі сияқты миллионнан астам адамға азық-түлікке ақшалай көмек беруін тапсырды.
Осы жылдың 3-тоқсанына тағайындалатын әлеуметтік жәрдемақыны беру азаматтар туралы қолда бар деректерге сәйкес тез арада орындалуын тапсырамын. Сонымен қатар қайта куәландыру уақыты карантин кезіне сәйкес кеп қалған мүгедектік мерзімдер де автоматты түрде созылсын, - деп бұйырды Үкімет басшысы Асқар Мамин.Айта кетейік, еліміздегі карантиндік шектеу шаралары 2 тамызға дейін созылды.
Фото: ашық дереккөзден
