• Басты
  • Каспий теңізінде заңсыз балық аулаған 4 әзербайжандық азамат ұсталды
23 Сәуір, 2020 10:49

Каспий теңізінде заңсыз балық аулаған 4 әзербайжандық азамат ұсталды

ҚР ҰҚК Шекара қызметінің Маңғыстау облысы бойынша департаменті 2020 жылғы балықтарды қорғаудың «Бекіре» кең көлемді акциясы шеңберінде Каспий теңізінің су айдынында заңсыз балық аулап жүрген Әзербайжан Республикасының 4 азаматын ұстады.
Каспий теңізінде заңсыз балық аулаған 4 әзербайжандық азамат ұсталды

Тексеру іс-қимылдары барысында ұсталған тұлғалардан балық аулауға арналған құрал-жабдықтар, сондай-ақ Ф-1 қол гранатасы тәркіленді.

 Көрсетілген тұлғаларға қатысты Қазақстан Республикасы Қылмыстық кодексінің «қару-жарақтарды, оқ-дәрілерді, жарылғыш заттары мен жарғыш құралдарын заңсыз алу, беру, қолға түсіру, сақтау, тасымалдау немесе алып жүру» 3-бөлігі 287-бабы және «Қазақстан Республикасының Мемлекеттік шекарасын қасақана заңсыз бұзу» 392-бабы бойынша қылмыстық іс қозғалды.

 Тергеу іс-шаралары жүргізілуде.

Барлық жаңалықтар