• Басты
  • Кәсіпкерлік қызметтің еркіндігі қалай қорғалмақ

Кәсіпкерлік қызметтің еркіндігі қалай қорғалмақ

29 Қаңтар, 2020 18:09
Елордада «Атамекен» ҚР ҰКП Кәсіпкерлердің құқығын қорғау және сыбайлас жемқорлыққа қарсы іс-қимыл жөніндегі кеңестің отырысы өтті. Шарада бизнес үшін маңызды мәселе: қылмыстық процесте кәсіпкерлердің құқықтары мен мүдесінің қорғалуы талқыланды, деп хабарлады Strategy2050.kz тілшісі.

Қылмыстық кодексте кәсіпкерлік қызметті шектейтін қылмыстық жазаланатын әрекеттер тізбегінен тұратын жекелеген тарауды енгізу қажеттілігі туды.

Аталған мәселе Кеңес отырысында егжей-тегжейлі талқыланады.

ҚР Прокуратура жанындағы Құқық қорғау академия проректоры Гүлнар Шушикова Тәуелсіздік жылдарынан бастап, бизнесті қорғау мәселесі мемлекеттік саясаттың маңызды бағыттарының бірі болып табылатынын жеткізді.

«Бұл бағыт елдің барлық құжаттарының құрамында бар. Кәсіпкерлік қызметке қатысты 120-дан астам заңнамалық акт қабылданды. 4 жылдың ішінде 2019 жылы әлемдік рейтингте бизнесті енгізуге қолайлы елдер бойынша 53-тен 25-ші орынға көтерілді. Сондай-ақ, елде жүргізіліп жатқан реформаларға қарамастан, кәсіпкерлер құқығы ғылыми қауымдастық тарапынан ерекше назар аударуды қажет етеді. Бас прокуратура мен Ұлттық кәсіпкерлер палатасы арасындағы ынтымақтастыққа сәйкес, Құқық қорғау органдарының академиясы өткен жылы кәсіпкерлердің құқығын қорғау бойынша зерттеу жұмысын жүргізді», - деді ол.

Сондай-ақ, ол зерттеуде Қазақстандағы кәсіпкерліктің қалыптасуы сараланған.

«Зерттеу аясында инвесторларды қылмыстық-құқықтық қорғау бойынша ешбір ғылыми жоқтың қасы екені анықталды. 16 жыл бұрын жазылған екі кандидаттық жұмыс қана бар екен. Оған қоса, зерттеу барысында бірнеше проблемалық мәселелерге тосылдық. Бизнесті қорғау саласы бойынша нақты статистика жоқ екен», - деді ол.

Сонымен қатар, ол зертеу қорытындысы бойынша әрекеттегі заңнамаға 20-ға жуық өзгертулер енгізу ұсынылғанын айтты.

«Зерттеу аталған бағыттағы барлық жұмысқа қайта қарап, кәсіпкерлерді құқықтық қорғаудың жаңа әдістерін әзірлеуге серпін берді», - деді ол.

Аягөз Құрмаш

Барлық жаңалықтар