К.Шунгарина: Біздің жобаның мақсаты – ана мен бала өлімін азайтуға үлес қосу

2019 жылғы ресми дерек бойынша, Қазақстанда соңғы үш жылда сәби өлімі 3 есеге өскен. Осы орайда елімізде жүкті әйелдер мен балаларға медициналық көмек көрсету сапасын артырру мақсатында бірқатар шара қабылданып жатыр. Бұған қарамастан, мамандардың сөзінше, сәби өлімі жылына 0,5-1 пайыз көлемінде артып отыр. Осы орайда жуырда отандық және шетелдік нарыққа жол тартқан аналар мен жүкті әйелдерге  арналған «SuperMoms club» жобасы туралы айтып өту керек. Жоба құрылтайшысы Камилла Шунгаринаның сөзінше, аталған жобаның мақсаты - жүкті әйелдерге психологтың, тәжірибелі аналардың кеңесі арқылы еліміздегі ғана емес, әлемдегі бала мен ана өлімін азайтуға үлес қосу. Осы орайда ол жоба туралы, қаржылық қиындықтары, қандай мамандардан кеңес алуға болатыны, қосымшаға қалай тіркелу керек, ерешеліктері мен артықшылықтары жөнінде Камилла Шунгарина Strategy2050.kz тілшісіне әңгімелеп берді.