Көлеңкелі экономикамен күрес: Президент тапсырмалары қалай орындалып жатыр
Ел президенті Қасым-Жомарт Тоқаевтың баспасөз хатшысы Берік Уәли Фейсбук парақшасында мемелкет басшысының «Жаңа жағдайдағы Қазақстан: іс-қимыл кезеңі» жолдауында айтылған «көлеңкелі экономикамен» күрес жөніндегі тапсырмасының қалай орындалып жатқаны туралы айтты, деп хабарлады Strategy2050.kz.
Өз жолдауында прездент былай деді: «Салық және кеден саласын цифрландыру «көлеңкелі экономиканың» кез келген көріністерімен күресуге айтарлықтай көмектеседі. Тіпті, «көлеңкелі экономика» сыбайлас жемқорлыққа жол ашып отырғаны жасырын емес. Сондықтан, Экономикалық тергеу қызметінің жұмысын негізінен «көлеңкелі экономикамен» күресуге бейімдеуді тапсырамын».
Орындалды
- Жыл басынан бері 1 508 экономикалық құқық бұзушылық анықталды, оның 803-і ауыр және аса ауыр қылмыстарға жатады.
- 36 ұйымдасқан қылмыстық топтың жолы кесілді. Оның ішінде 27 топ жалған шот-фактуралар жасаумен, қолма-ұол ақша алумен айналысқан және салықтан жалтарған.
- «Заң бұзу ықтималдығы жоғары тұлғалар реестеріне» қолма-қол ақша беруші фирмалармен өзара есеп айырысқан 28 мыңнан астам заңды тұлға енгізілді. 1 мыңнан астам компанияның банктегі шоттары бойынша қаржы жұмсау операциялары уақытша тоқтатылды.
- Қаржы пирамидаларының белгілерін алдын-ала анықтау жұмыстары күшейтілді. Осы ретте жалпы мөлшері 4,1 миллиард теңге қаржы салу бойынша 30 дерек анықталды.
- Салық және кедендік басқаруды одан әрі жетілдіруге, қолма-қол ақшасыз төлем жасауды дамытуға, қолайлы бизнес орта қалыптастыруға бағытталған жаңа Кеешенді жоспар бекітілді.
- Соңғы 4 жылдың ішінде елеміздегі «көлеңкелі» экономиканың деңгейі 29 пайыздан 20 пайызға дейін төмендеді.
