• Басты
  • Көкөніс пен жеміс өндірісінің өсімі қоймаларды 1,5 есе арттыруды талап етеді
28 Сәуір, 2020 16:02

Көкөніс пен жеміс өндірісінің өсімі қоймаларды 1,5 есе арттыруды талап етеді

Ауыл шаруашылығы министрі Сапархан Омаров ҚР Үкіметінің отырысында Премьер-министрге жемістер, көкөністер мен картопты сақтау туралы баяндады, деп хабарлады Strategy2050.kz.
Көкөніс пен жеміс өндірісінің өсімі қоймаларды 1,5 есе арттыруды талап етеді

Оның мәлімдеуінше, ҚР Ауыл шаруашылығы министрлігі жаңа технологияларды енгізу, питомниктерді дамыту, жоғары сапалы тұқымдар мен көшеттерді, суармалы жерлерді кеңейту және заманауи суару машиналарын пайдалану арқылы жеміс-жидек пен көкөніс өндірісін арттыруды көздейді. Соның арқасында Қазақстанда жыл сайын егін көлемінің 5%-дық өсуі байқалады.

Алайда, қолда бар сауда-логистикалық инфрақұрылым сапалы шикізат жеткізуді жыл бойы толық қамтамасыз ете алмайды, бұл өз кезегінде отандық өнімнің дамуын тежейді.  

«Жууға, кептіруге, калибрлеуге және буып-түюге болатын тауарларды сатуға дейінгі дайындықты жүзеге асыратын орындар жоқ. Кейбір өңірлерде қойма инфрақұрылымдарының сапасы сын көтермейді. Сауда-логистикалық орталықтарының, заманауи форматтағы бөлшек сауда желілерінің, көтерме сауда және логистикалық орталықтардың даму деңгейінің төмендігі – азық-түлік тауарлары қозғалысын үйлестіруге және оңтайландыруға кері әсерін тигізеді. Соның салдарынан делдалдар саны көп болып отыр»,- деп атап өтті министр.

Әкімдіктердің алдын-ала мәліметтері бойынша республикада жалпы сыйымдылығы 1,9 миллион тоннадан асатын 1250 жеміс, көкөніс, картоп сақтау қоймасы бар. Алайда, былтырғы картоп, қырыққабат, сәбіз, пияз және қызылшадан алынған өнімді (6,7 млн. тонна) сақтау үшін сыйымдылығы кемінде 2,8 млн тонна, яғни 1,5 есе үлкен қойма болуы керек.

Министр ҚР АШМ сауда-логистикалық инфрақұрылымның ажырамас бөлігі саналатын көкөністерді, жемістер мен картоптарды сақтау сыйымдылығын дамыту, кеңейту және жаңарту бойынша бірқатар шараларды қабылдап жатқанын айтты.

Кәсіпкерлерді көкөніс қоймаларын салуға ынталандыру үшін ведомство тарапынан инвестициялық субсидиялар, сондай-ақ «Қарапайым заттар экономикасы» бағдарламасы бойынша жеңілдетілген несиелер беру қарастырылған.

Бұдан өзге, ҚРАуыл шаруашылығы министрлігі Сауда және интеграция министрлігінің ұлттық тауар жеткізу желісін құру жөніндегі ұсынысын қолдайды.

«Көтерме сату орталықтары желісін құру арқылы сауда-логистикалық инфрақұрылымын дамыту – делдалдарды жояды, фермерлердің сауда желілеріне тікелей байланысын қамтамасыз етеді және ішкі нарықта, экспорттық бағытта да ауылшаруашылық өнімдерін сатуды арттырады. Бұл ауыл шаруашылығының дамуына оң ықпалын тигізетіні сөзсіз», - деп түйді Сапархан Омаров.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды