• Басты
  • Invest Day: жаңа қазақстандық стартаптар үшін тың мүмкіндік
3 Маусым, 2020 09:27

Invest Day: жаңа қазақстандық стартаптар үшін тың мүмкіндік

Қазақстанда кезекті Invest Day шарасы өтеді. Бұл жолы дәстүрлі жиын онлайн режимінде ұйымдастырылады, деп хабарлады Strategy2050.kz.

Invest Day: жаңа қазақстандық стартаптар үшін тың мүмкіндік

Басты мақсат – инвесторлар мен дарынды жас өнертапқыштарды тоғыстыру. Ерекше жобалар жүзеге асыру мүмкінідігіне ие болады. Astana Hub-тың бас директоры Джозеф Циглердің айтуынша, болашағынан зор үміт күттіретін жобаларды іздеген инвесторлар ұтымды бастамаларды жүзеге асыруға қыруар қаражат бөлуге дайын. Осындай Invest Day шарасынан соң талай отандық тырнақалды бастама нарыққа шықты дейді ол.

«Біз жобаларды бірнеше бағыт бойынша бағалаймыз. Өнімнің өзі, оның тиімділігі, қоғамға пайдасы, қандай мәселелерді шеше алатындығы, нарықтағы сұранысы, жетілдіруге қатысты көрсеткіштері сыналады. Кейін команда тексеріледі. Жобаны құрастырушылардың кәсіби деңгейіне мән беріледі. Сондай-ақ, бүгінге дейін саудаға шығарылса сатылу көрсеткіші, тұтынушы саны, өнім өткізілетін нарқының географиясы, шет елдер аумағында тарату әлеуеті толықтай сараланады», дейді Джозеф Циглер. 


Өтінімдер үш апта бойы қабылданады. Басты талап – IT саласы бағытындағы технологиялық стартап болуы керек. Олардың арасынан 10 үздігі іріктеледі. Жобаны қорғауға 5 минут және тағы сонша уақыт қойылған сауалдарға жауап беруге беріледі. 

«Қандай жобалар табысқа ие болады? Әрине, ең алдымен онлайн оқу, жалпы білім және денсаулық сынды қоғамдық салаларына қатысты бастамалар қызықты болады. Сондай-ақ, электронды сауда, виртуалды шынайылық бағытындағы стартаптар көбіне қаржылай қолдауға ие болып жатады. Былтырғы Invest Day шарасында бірқатар жобаларға 200 мың доллар шамасында инвестиция тартылды. Биыл да бұл межеден кем болмайды деп ойлаймыз», - дейді Джозеф Циглер. 


Astana Hub баспасөз қызметі бойынша алдағы маусым айының 30 күні үздік жоба авторлары қазақстандық бизнес-періштелер, инвесторлар және түрлі қор өңілдерімен жүздесетін болады. 

«Біз – Қазақстанның инновациялық экожүйесінің басты қатысушысымыз. Өйткені әр бағыттағы қатысушылармен тікелей тығыз-қарым-қатынас жасаймыз. Стартап үшін инвестицияның маңызы айрықша. Жақсы бір бастамаларға қаржы құюға ниетті инвесторларға стартап тауып береміз. Жоба иелеріне өнертабысын жүзеге асыру үшін қаржы тартуға көмектесеміз. Бұл барлығы үшін тиімді шара», - дейді Astana Hub-тың бас директоры Джозеф Циглер.


Барлық ақпарат Invest Day Astana Hub парақшасында: https://investschool.astanahub.com/investday 


ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды