Елордада Тұңғыш Президент күніне орай көрме ашылды
Аталған іс-шараға мәдениет және өнер қайраткерлер, дипломатиялық корпус пен этномәдени орталықтардың өкілдері, Нұр-Сұлтан қаласындағы университеттер мен колледждердің оқытушылары мен студенттері қатысты.
Көрменің ашылу салтанатына қатысқан Елбасы кітапханасының директоры Әмірхан Рахымжанов аталған шараның Елбасының туған күніне орай ұйымдастырылғанын атап өтті.
"ҚР Тұңғыш Президенті күніне орай Елбасы кітапханасы іс-шаралардың онкүндігін дайындады. Бүшінгі шара соның тұсаукесері. Елбасымыздың "дарынды жастар-еліміздің болашағы мен әлеуеті" деуі кездейсоқ емес. Бұл байқауға көптеген жас суретшілеріміз бен танымал өнер майталмандары үлкен еңбек жасады. Әсіресе, жастардың ықыласы жоғары болды. Жеңімпаз атанған өнер иелерінің шығармашылық жұмыстары алдағы уақытта Елбасы кітапханасының үлкен галлереялары мен көрме залдарынан лайықты орын алады деп үміттенеміз",- деді Елбасы кітапханасының директоры Әмірхан Рахымжанов.
Жастар жылына арналған байқау жаңадан бастаушылар мен кәсіби суретшілер, мүсіншілер, сәндік-қолданбалы өнер шеберлері және Қазақстанның өнертанушылары арасында 18-35 және 36 жастан жоғары екі жас санаты бойынша өтті.
Жиын барысында жастар жылына арналған көрме үстіміздегі жылдың ақпан айында Елбасы кітапханасы мен Нұр-Сұлтан қаласы Суретшілер одағының бейнелеу өнері майталмандары мен сәндік-қолданбалы өнер шеберлерінің арасында жариялаған республикалық байқаудың ІІ-кезең қорытындысының жүлдегерлері марапатталды. Суретші Оралбаева Зәмзегүл "Өмір ағашы" туындысымен гран-при жүлдесін жеңіп алды. Өзінің айтуынша, Қазақстандағы алғашқы жеңісі екен.
"Өмір ағашы" туындыммен гран-при жүлдегері атандым. Оны 2018 жылы жасап шықтым. Сәл толқып тұрмын. Бұған дейін де бірқатар жарысқа, конкурсқа қатысқан едім, алайда бұл өз елімде алған тұңғыш жүлдем. Мен бастысы қатысу деген ұстанымда болдым, жүлдегер атанам деп ойламадым. Бір ай шамасында орындап шықтым. Шабытты табиғаттан аламын. Мен ұсынған текеметтің бетінен ерекше ағаштың бейнесін байқауға болады. Күнделікті өмірде тамыры терең еменге рухы мықты адамдарды теңеп жататынымыз бекер емес. Кез келген ағаш адамның өмірін, әулетінің шежіресі мен бабалар өсиетімен тығыз байланысын бейнелейді. Мұндай сайыстардың арқасында қарапайым жұрт пен шетелдік қонақтар қазақ халқының ұлттық өнерімен жақынырақ таныса алады. Сол себепті ұйымдастырушыларға халқымның атынан алғысымды айтамын. Осыған дейін Ресей секілді елдерде бірінші орын алғам. Өз еліңде жүлдегер атану басқаша, керемет әсер сылайлайды екен", - деді Оралбаева Зәмзегүл.
Ал І орындарды "Кескіндеме" номинациясының жеңімпазы Ренат Елубаев, "Графика" номинациясының жеңімпазы Өмірбек Тілеулиев, "Сәндік-қолданбалы өнер" номинациясының жеңімпазы Мараш Кениева, "Мүсін" номинациясының жеңімпазы Тілеужан Батанов иеленді. ІІ орынды "Сәндік-қолданбалы өнер" және "Кескіндеме" номинацияларының жеңімпаздары, Дария Қалымова мен Сенбіғали Смағұлов алды. ІІІ орынды иеленген Алмас Сырғабаев "Графика" номинациясын жеңсе, Нина Терещенко мен Исмаил Ачилов "Кескіндеме" номинациясының жеңімпазы атанды.
Сонымен қатар аталған көркем өнер байқауы "Ұлы даланың жеті қыры" мақаласындағы Елбасының ойын жалғастыратынын атап өткен жөн. Оның аясында тарихқа із қалдырған ұлтымыздың дара тұлғалары бейнеленген бейнелеу өнері мен қазіргі өнер саласының бірегей галереясы құрылатын болады..
Еске сала кетейік, байқаудың бірінші кезеңінің қорытындысы бойынша осы жылдың шілде айында қатысушылар жұмыстарының көрмесі және марапаттау рәсімі өткен еді.
Назерке Сүйіндік
-
Қ.Тоқаевтың атына Тәуелсіздікке орай құттықтау хаттар келіп түсті
Ақорданың баспасөз қызметі Қасым-Жомарт Тоқаевтың атына Қазақстан Республикасының Тәуелсіздік мерекесіне орай келіп түскен құттықтауларды жариялады.
13 Желтоқсан 2019, 15:01
-
Елордада "Дарын" мемлекеттік сыйлығының иегерлері марапатталды
Елордада "Дарын" мемлекеттік сыйлығының иегерлері марапатталды. Әр сала бойынша жіктелген 10 номинация шеңберінде жастарға құрмет көрсетілді. Биыл сыйлыққа үміткерлерден 250-ден астам құжат келіп түскен, деп хабарлады Strategy2050.kz тілшісі.
09 Желтоқсан 2019, 16:36
-
Елордада XII Қысқы қайырымдылық балы өтті
Қысқы қайырымдылық балы «Болашақ» корпоративтік қорының бастамасымен 2012 жылдан бастап өткізіліп келеді. Шараның мақсаты – ерекше қажеттіліктері бар балалардың сапалы білім алу мәселелеріне қоғамның назарын аудару және дарынды жастарға қолдау көрсету. Түскен қаражат қордың «Әр бала мектепке лайықты» және «Жол жүру гранттары» қайырымдылық жобаларына жіберіледі, деп хабарлады Strategy2050.kz тілшісі.
09 Желтоқсан 2019, 10:09
-
ҚР Тұңғыш Президенті: 5-бөлім. Елбасы жолы
Биыл наурыздың 19-ы күні Қазақстанның Тұңғыш президенті, Елбасы Нұрсұлтан Назарбаев мемлекеттік телеарналар арқылы ҚР президенті ретінде өкілеттілігін тоқтатанын мәлімдеді. Осылайша Назарбаев президенттіктен өз еркімен бас тартқан Орталық Азия кеңістігіндегі алғашқы басшы болып тарихта қалды. Осы орайда, Тұңғыш Президент күні қарсаңында Елбасының президенттіктен кеткеннен кейінгі кезеңдегі маңызды оқиғаларға, саяси шешімдеріне шолу жасағанды жөн көрдік.
29 Қараша 2019, 18:24
-
Елордада Н.Назарбаевтың бейбітшілік пен толеранттылық моделі талқыланды
Нұр-Сұлтан қаласында Қазақстан Республикасының Ақпарат және қоғамдық даму министрлігінің төрағалығымен «Конфессияаралық және өркениетаралық диалогты дамыту жөніндегі Н.Назарбаев орталығының» ұйымдастыруымен Қазақстан Республикасының Тұңғыш Президент күніне және Халықаралық толеранттылық күніне орай «Н.Назарбаевтың бейбітшілік пен толеранттылық моделі» атты халықаралық конференция өтті.
29 Қараша 2019, 12:08
-
Елорда әуежайында Тұңғыш Президент күніне орай өтпелі галерея ашылды
Ел астанасындағы Нұрсұлтан Назарбаев халықаралық әуежайында Тұңғыш Президент күніне орай өтпелі галереяның ашылуы болды, деп хабарлайды Strategy2050.kz тілшісі.
29 Қараша 2019, 11:42
-
ҚР Тұңғыш Президенті: 4-бөлім. Көшбасшы жолы
ҚР Тұңғыш Президенті күні қарсаңында Strategy2050.kz АА Елбасы Нұрсұлтан Назарбаев жайында бірқатар материалдар легін әзірледі. 28 жыл бойы Қазақстан Президенті болған Н.Назарбаев 2019 жылғы 19 наурыздағы «Қазақстан Республикасы Президентінің өкілеттігін атқару туралы» № 887 Жарлыққа сәйкес, 2019 жылғы 20 наурыздан бастап Қазақстан Республикасы Президентінің өкілеттігін атқаруды тоқтатты. Шолуымыздың төртінші бөлімі Елбасының көшбасшылығына арналады.
28 Қараша 2019, 10:00
-
Президенттік институттың ел тағдырындағы рөлі қандай
Елордада «Президенттік институт: қазақстандық модель» ҚР Тұңғыш Президенті күніне арналған халықаралық парламенттік конференция өтті, деп хабарлады Strategy2050.kz тілшісі.
27 Қараша 2019, 15:27
-
Елордада жолдағы жазатайым оқиғалар саны азайды
Ел астанасында жолдағы жазатайым оқиғалар саны азайды. Бұл туралы "Сергек" фото, бейне жазбасын және бейнебақылау жүйесін енгізу бойынша МЖС жобасын іске асыру туралы өткен баспасөз мәжілісінде Инвестициялар және кәсіпкерлікті дамыту басқармасының басшысы Ерлан Бекмұрзаев айтты, деп хабарлады Strategy2050.kz тілшісі.
27 Қараша 2019, 13:38
-
ҚР Тұңғыш Президенті: 3-бөлім. ҚК Орталық Комитетінің хатшысы
ҚР Тұңғыш Президенті күні қарсаңында Strategy2050.kz АА Елбасы Нұрсұлтан Назарбаев жайында бірқатар материалдар легін әзірледі. 28 жыл бойы Қазақстан Президенті болған Н.Назарбаев 2019 жылғы 19 наурыздағы «Қазақстан Республикасы Президентінің өкілеттігін атқару туралы» № 887 Жарлыққа сәйкес, 2019 жылғы 20 наурыздан бастап Қазақстан Республикасы Президентінің өкілеттігін атқаруды тоқтатты. Шолуымыздың үшінші бөлімі Елбасының кәсіби қызметіне арналады.
27 Қараша 2019, 09:19
-
Елордада Тұңғыш Президент күніне орай кино апталығы басталды
Елордада ҚР Тұңғыш Президент күніне орай кино апталығы өтіп жатыр. Тұңғыш Президент күніне арналған іс-шаралар онкүндігінің аясында Елбасы кітапханасында кино апталығының тұсауы кесілді. Шараның ашылуында басты қонақ Елбасы рөлін сомадаған актер, әнші, Мәжіліс депутаты Нұрлан Әлімжанов болды, деп хабарлады Strategy2050.kz тілшісі.
26 Қараша 2019, 18:13
-
ҚР Тұңғыш Президенті күні: 2-бөлім. Металлургтер қаласындағы тұлғаның қалыптасуы
ҚР Тұңғыш Президенті күні қарсаңында Strategy2050.kz АА Елбасы Нұрсұлтан Назарбаев жайында бірқатар материалдар легін әзірледі. 28 жыл бойы Қазақстан Президенті болған Н.Назарбаев 2019 жылғы 19 наурыздағы «Қазақстан Республикасы Президентінің өкілеттігін атқару туралы» № 887 Жарлыққа сәйкес, 2019 жылғы 20 наурыздан бастап Қазақстан Республикасы Президентінің өкілеттігін атқаруды тоқтатты. Шолуымыздың екінші бөлімі Елбасының кәсіби қызметіне арналады.
26 Қараша 2019, 09:23
-
Тоқаев қырғыз президенті Сооронбай Жээнбековпен кездеседі
Осы аптада мемлекет басшысы Қасым-Жомарт Тоқаев Қырғызстанға мемлекеттік іс-сапармен барып, қырғыз президенті Сооронбай Жээнбековпен кездеседі. Бұл туралы баспасөз мәжілісінде Қазақстанның сыртқы істер министрлігінің баспасөз хатшысы Айбек Смадияров айтты, деп хабарлады Strategy2050.kz тілшісі.
25 Қараша 2019, 18:03
-
Елордада Таеквондодан ашық республикалық турнир өтіп жатыр
Елордада Таеквондодан ашық республикалық турнир, Кореяның Қазақстандағы елшісінің кубогы өтіп жатыр. Турнир екі күнге созылады. Бүгінде Таеквондомен 20 мыңға жуық қазақстандық айналысады, деп хабарлады Strategy2050.kz тілшісі.
25 Қараша 2019, 17:25
-
ҚР Тұңғыш Президент күні: 1-бөлім. Жастық шағы (Шолу)
ҚР Тұңғыш Президенті күні қарсаңында Strategy2050.kz АА Елбасы Нұрсұлтан Назарбаев жайында бірқатар материалдар легін әзірледі. 28 жыл бойы Тәуелсіз Қазақстан Президенті болған Н.Назарбаев 2019 жылғы 19 наурыздағы «Қазақстан Республикасы Президентінің өкілеттігін атқару туралы» № 887 Жарлыққа сәйкес, 2019 жылғы 20 наурыздан бастап Қазақстан Республикасы Президентінің өкілеттігін атқаруды тоқтатты. Шолуымыздың алғашқы бөлімін Елбасының жастық шағына арнадық.
25 Қараша 2019, 10:00