• Басты
  • Елордада оңалту орталықтары салынады
24 Қазан, 2019 16:56

Елордада оңалту орталықтары салынады

Елорда басшысы Алтай Көлгінов Үкіметтік емес ұйымдармен кездесу барысында ерекше қажеттіліктері бар балаларға арналған оңалту орталықтары желісін кеңейтуде қолдау көрсететінін атап өтті, деп хабарлайды қала әкімдігінің ресми сайты.

Елордада оңалту орталықтары салынады

Қала басшысы Алтай Көлгінов қабылдауға жазылған азаматтармен кездесті. Кездесу кезінде ерекше қажеттіліктері бар балалар үшін оңалтуды ұйымдастыру, атаулы әлеуметтік көмек алу, сауда орындарын ашу, жұмысқа орналасу және тұрғын үй бағдарламаларына қатысу мәселелері көтерілген. Бұдан бөлек, мүмкіндігі шектеулі балаларды тәрбиелеп отырған отбасыларға ерекше көңіл бөлінетіні айтылған. 

Сондай-ақ, хабарламаға сүйенсек, елордада екі оңалту орталығы салынады. Сонымен бірге, тұрғын үйлердің құрылысы кезінде бірінші қабаттарда емхана, балабақша, оңалту орталығы сияқты әлеуметтік нысандарды ашу көзделуде. Үкіметтік емес ұйымдармен кездесу барысында Алтай Көлгінов әкімдік ерекше қажеттіліктері бар балаларға арналған оңалту орталықтары желісін кеңейтуде қолдау көрсететінін атап өтті. 

Айта кетейік, соңғы үш айда елорда әкімі Алтай Көлгінов 500-ден астам адамды қабылдады. Жалпы, азаматтар апта сайын қабылдауға кіреді. Келіп түскен әрбір өтініш бойынша жұмыстар жүргізіледі. Тұрғындарды қабылдау аудандық әкімдіктерде және "Жанұя" отбасы институтының қолдау орталығында өтеді.

Барлық жаңалықтар
34.237.138.69, 192.168.88.100