Елордада «Make it possible» республикалық спартакиадасы жалауын көтерді
Нұр-Сұлтан қаласындағы Nazarbayev University атлетикалық орталығында республикалық «Make it possible» спартакиадасының салтанатты ашылу рәсімі өтті. Мүмкіндігі шектеулі және ата-анасының қамқорлығынсыз қалған балалар мен жасөспірімдер арасында өтіп жатқан спартакиада елімізде тұңғыш рет ұйымдастырылуда.
Сондай-ақ, Республикалық Ұлттық Киокушинкай-кан каратэ федерациясының президенті Омархан Өксікбаев пен еліміздің даңқты спортшылары Зульфия Габидуллина, Александр Колядиндер балаларға министрлік атынан арнайы сыйлықтар табыстады.
Парламент Мәжілісінің депутаты Бекболат Қанайұлы Тілеухан еліміздің түкпір-түкпірінен келген балаларға алғысын білдіріп, жарысқа қатысушыларға сәттілік тіледі.
«Make it possible» спартакиадасы Актив Life ашық бірлестігінің төрағасы Арнұр Ысқақовтың идеясымен, ҚР Мәдениет және спорт министрлігі және Ұлттық паралимпиада комитетінің қолдауымен ұйымдастырылып отыр.
Жарысқа Қазақстанның он екі өңірінен 250-ге жуық бала қатысуда. Олар спорттың бес түрі; шағын футбол, армрестлинг, тоғызықұмалақ, асық ату, үстел теннисінен бақ сынайды.
Жеңімпаздар мен жүлдегерлер медаль, диплом және естелік сыйлықтармен марапатталады.
