• Басты
  • Елордада "Abai tv" телеарнасының таныстырылымы өтті

Елордада "Abai tv" телеарнасының таныстырылымы өтті

30 Маусым, 2020 11:35

Еліміздің бас қаласында "Қазақстан" республикалық телерадиокорпорациясының құрамындағы "Abai tv" мәдени-ағарту телеарнасының таныстырылымы өтті, деп хабарлады Strategy2050.kz тілшісі. 

Шараға ҚР Президенті әкімшілігі басшысының бірінші орынбасары Дәурен Абаев қатысып, баршаны жаңа телеарнаның ашылуымен құттықтады. 

"2020 жыл еліміздегі ерекше маңызды оқиғаларға толы. Соның бірі  - Абайдың 175 жылдығы. Был ұлы ақынның мұрасын дәріптеуге арналған ауқмды жұмыстар атқарылды, іс-шаралар әлі де жалғасуда.   Бұл барымызды бағалайтын, болашағымызды бағдарлайтын нақты қадам болды. Елбасының "Рухани жаңғыру" бағдарламасында көрсетілген қоғамдық сананы қайта түлету ісінің мән-маңызы осында. Мемлекет басшысы Тоқаев "Абай және 21 ғасырдағы Қазақстан" мақаласында "Ақынның мұрасы - бүкіл адамзат баласының рухани азығы" деп лайықты баға берген еді", - деді ол.
16.jpg

Сонымен қатар Дәурен Абаев бүгін тұсауы кесілетін жаңа телеарна мәдени-ағартушылық салаға үлес қосуды, ұлт қазынасын толтыруды көздейтінін айтып өтті. 

"Жаңа арнаның "Абай" деп аталуы тегін емес. Біріншіден, мәдени-ағарту бағытындағы жалғыз телеарнаға ұлт руханиятының темірқазығы ұлы Абайдың атын беру өте орынды. Өйткені ұлы ақынның өнегелі жолы әлі талай ғасырға жалғасатын болады. Екіншіден, жаңа телеарна төл мәдениетіміз мен дәстүрімізді насихаттауды мақсат етіп отыр. Ұлт қажетіне жарайтын дүниеге айналсын", - деді Дәурен Абаев.
7.jpg

Сонымен қатар айта кетейік, жиынға ҚР Ақпарат және қоғамдық даму министрі А.Балаева, ҚР Мәдениет және спорт министрі А.Райымқұлова, ҚР Парламенті Сенатынының депутаты, ҚР Еңбек сіңірген қайраткері Нұртөре Жүсіп, журналист, академик Намазалы Омашев, Қазақ Ұлттық өнер университетінің ректоры Айман Мұсақожаева және еліміздің зиялы қауым өкілдері мен мәдениет саласының майталмандары қатысты. 

Барлық жаңалықтар