• Басты
  • EdTech: Қазақстандық білім беру технологиялары форумына тіркелу басталды

EdTech: Қазақстандық білім беру технологиялары форумына тіркелу басталды

28 Маусым, 2021 16:44

2021 жылғы 1- 3 шілде аралығында үшінші жыл сайынғы Astana Finance Days аясында EdTech білім беру технологияларының қазақстандық форумы өтеді. Жыл сайын EdTech форумы біздің өңірде білім беру сапасын қалай жақсартуға болатынын бірлесіп шешу үшін өз алаңында студенттерді, мұғалімдерді, ЖОО-ларды, мемлекет пен технологиялық компанияларды біріктіреді, деп хабарлады баспасөз қызметі.

Биылғы форумның тақырыбы - "Transition to the Future". Оның мақсаты - технологиялар мен инновациялар білім беру саласын жақсартып, диджитализация саласын белсенді түрде дамытуда. Үш күндік форум интерактивті сессияларды қамтиды, атап айтсақ, білім беру технологиялары саласындағы трендтер, баламалы білім беру мәселелері, цифрлық контентті дамыту, креативті экономиканың маңызы, серпінді edtech шешімдер және болашақ маманыдықтар ұсынылады.

"Бұл Қазақстандағы білім беру технологиялар саласына қатысты жан-жақты талқылауларды қамтыйтын үлкен іс-шарасы болып саналады. Форум үш жыл жұмысының ішінде әртүрлі аудиторияларды — мектептерді, университеттерді, мемлекетті, технологиялық компанияларды және цифрлық білім беруді дамытуға тартылған, сонымен қатар өңірдегі білім беруді жақсартуға және бірге жақсы болашаққа келуге көмектесетін нақты іс-әрекеттерді, нақты өнімдерді ұсынуға ұмтылатын серіктістіктерді біріктіретін көпір бола алдық.

Дәстүр бойынша АХҚО бюросы түрлі тақырыптарда ашық талқылаулар ұйымдастырды: болашақтың білім беру саласы, edtech білім беру трендтері, болашақтың дағдылары мен құзыреттері, цифрлық құралдар мен технологиялар, IPO-ға дайындық және т.б. Бағдарламашылар, HR, білім беру компаниялары, мұғалімдер, маркетинг саласындағы мамандар үшін мастер-класстар ұйымдастырылады. Біз іс-шараға білім беру саласында барлық мамандарын қатысуға шақырамыз.Оған қоса, конференцияны өткізудің онлайн-форматының арқасында барлық шекаралар жойылуда, сіз әлемнің кез келген нүктесінен қатыса аласыз", — деп хабарлайды АХҚО Үздіксіз кәсіби дамыту бюросының Бас атқарушы директордың м.а. Эльмира Обри.

Форум жұмысының бірінші күнінде медиа, data science және IT саласындағы жетекші сарапшылардан мастер-кластар сериясы өтеді: мобилография тренд пе, әлде нақты монетизация ма?; Agile және Kanban-дан қандай пайда бар; білім майнингі (деректермен жұмыс істеу); Microsoft Career Coach презентациясы және т.б. Қатысушыларға белгілі бір қызығушылық саласында өз дағдыларын игеруге немесе жетілдіруге көмектесетін практикалық ақпараттың терең және жетілдірілген деңгейін ұсынады.

Форумның екінші күнін "Болашақтың біліміне көшудегі жетіспейтін орта" сессиясы ашады, талқылауға қатысушылар білім беру ландшафтын өзгертетін цифрлық әлемнің трендтерін, сондай-ақ болашақ білім беруге көшу кезінде жетіспейтін ортаны толтыруға арналған дағдылар мен құзыреттерді қарастырады. Талқылауға қатысушылар: АХҚО Бюросының Бас атқарушы директордың м.а. Эльмира Обри, HolonIQ (Австралия) тең құрылтайшысы және басқарушы директоры Мария Спис, заманауи білім беру және зерттеулер институтының негізін қалаушысы Екатерина Царанок, Coursera-ның дағдыларды трансформациялау жөніндегі кеңесшісі (электрондық оқыту) Сораб Баджадж.

Форумның маңызды іс-шараларының бірі IPO: Трансформациялық оқыту ақпараттық сессиясы болады. Бұл АХҚО Бюросының Болашақ университетінің білім беру бағдарламасы, ол компаниялар мен олардың қызметкерлерін IPO-ға дайындауға бағытталған. Ақпараттық сессия оқыту бағдарламасы мен негізгі модульдеріне арналады, сондай-ақ IPO-ны сәтті шығару үшін компания қызметкерлерінің әлеуетін арттырудың маңыздылығын талқылауға арналады.

Форумның үшінші қорытынды күні мектептегі білім беру жүйесінде, мұғалімдер, ата-аналар және білім беру органдарының өкілдерінің арасында диалог орнатуына бағытталатын болады. Бұл күні "The future you choose!" (сен таңдайтын болашақ) ашық диалогқа өтеді. Қатысушылар келесі сұрақтарға жауап беруге тырысады: қазіргі балалар не туралы армандайды, болашақта өздерін кім ретінде көреді, кәсіпті қалай табуға болады және білім берудің қандай жаңа бағыттары маңызды болып саналады.

Форумның іс-шаралары бар бағдарлама келесі сілтеме бойынша қол жетімді. Талқылау нақты уақыт тәріптемесінде қашықтан қатысу форматында өтеді, барлық панельдік пікірталастарға қатысу тегін. Мұнда тіркелуге болады.

Барлық жаңалықтар